Lere: Kuidadu ho Oportunista Featured

By Domingos Gomes Maiu 07, 2020 5104
Komandante F-FDTL Lere Komandante F-FDTL Lere

DILI: Xefe Estadu Maior Jerál (F-FDTL) Maijór Jenerál Lere Anan Timur husu ba oportunista sira atu labele aproveita oportunidade iha situasaun impase politika hodi influensia negativu ba lider sira.

Maijor Jeneral ne’e husu atu hotu-hotu hakmatek atu lider no partidu sira ho responsabilidade no konsiensia buka solusaun hodi hakotu impase politika ne’ebé akontese dezde tinan 2017 to’o ohin loron.

“Ha’u husu ba oportunista labele aproveita oportunidade. Ita-nia estadu, nasaun ne’e harii ho ruin no raan, hanoin katak ita vizilansia ba malu tanba ohin loron iha sorin-sorin ita-nia maluk mais iha ema balun iha hela ita-nia leet,” dehan Lere ba jornlista sira hafoin enkontru semanal ho Prezidente Republika Francisco Guterres Lu Olo, iha palasiu prezidensial Aitarak-Laran, Dili, Kuarta (06/05).

Tuir nia, bainhira hakarak influensia lider sira iha situasaun ohin loron nian, tenke fó solusaun la’os aproveita fali oportunidade hodi hafahe lider sira.

“Ha’u apela liu-liu ba oportunista sira ne’e mak dala-ruma iha interese iha kotuk, sira tenke kuidadu, tanba ida ne’e nasaun,” dehan Lere.

Rate this item
(0 votes)

Independente Digital TV