Lei Protesaun Labarik seidauk forte, INDDICA Presiza tan lei seluk Featured

By Ivonia Varela Fevereiru 18, 2024 841
Prezidente Institutu Defeza Direitu ba Labarik (INDDICA) Dinorah Granadeiro. Foto:Media INDDICA. Prezidente Institutu Defeza Direitu ba Labarik (INDDICA) Dinorah Granadeiro. Foto:Media INDDICA.

DILI: Institutu Defeza Direitu ba Labarik (INDDICA sigla-Portugués), seiduak implementa lei protesaun labarik, tanba prezisa tan lei seluk atu haforsa no sai hanesan baze legál ida ba INDICCA atu halo servisu.

Prezidente Institutu Defeza Direitu ba Labarik (INDDICA) Dinorah Granadeiru hatete, maske Parlamentu Nasional (PN) kestiona katak lei protesaun labarik no joven iha perigu hetan ona aprova husi PN, maibé kestaun atu rezolve imediata labarik sira fa’an sasán iha dalan ninin ne’e la’os fá sil.
Nia dehan, tan ne’e Lei ba Protesaun Labarik agora mak atu implementa no presiza tan lei sira seluk atu fó forsa no baze legál ba INDDICA halo servisu, no INDDICA tenta atu lori fila-fali esbosu lei ba Konsellu Ministru (KM) hodi fó baze hodi halo servisu.
“Exemplo ida mak to’o ohin loron ita sei pendente hela esbosu dekretu lei ba traballu infantíl ne’ebé ita esforsu kedas iha tinan 2022 maibé até agora oitavu governu la konsege no agora ita tenta atu hare fali oinsa mak lori fali ba Konsellu Ministru (KM) bele fó baze ba iha ami no instituisaun sira seluk hodi halo servisu ida ne’e,” dehan Prezidente ba Jornalista sira iha Salaun MSSI kaikoli, Sesta (16/02).
Prezidente afirma, dadaun ne’e ekipa INDDICA hamutuk ho PNTL mós tun ba terrenu halo monitorizasaun ba labarik sira ne’ebé fa’an sasan, no iha tempu badak INDDICA sei iha enkontru ida ho PNTL atu hare katak oinsa mak INDDICA ho PNTL servisu hamutuk atu atua situasaun ne’e liliu ba labarik sira inklui feto sira ne’ebé servisu dalaruma iha fatin públiku to’o kalan boot.
No iha ona diskusaun inisiu ho PNTL liuliu Munispiu Dili tanba tama ba teritoriu munisipiu Dili nian, no INDDICA mos haruka pedidu formal ba Komisariu PNTL no Ministru Interior (MI) atu bele tau atensaun ba asuntu refere.
Informa tan katak, Esforsu ida husi INDDICA iha tempu badak mak sei uza meius publikasaun média atu anúnsia ba iha públiku liliu inan-aman família sira ne’ebé mak responsável ba labarik sira ne’e atu labele kontinua uza labarik sira liliu oinsá mak hakonu nesesidade família tanba ne’e la’os sira ninia obrigasaun/dever.
“Tanba mak agora tama ba iha 2024 planu sei uza meius publikasaun ne’ebé ba sei barak atu bele kontinua fó hanoin ita-nia sosiedade sira oinsá mak bele kuida labarik sira ne’ebé mak sira tau matan ba no mós hasé sira no fó protesaun ba sira hanesan ema adultu ne’ebé iha responsabilidade nakonu ba labarik,” katak Prezidente
Enkunatu, dadus ba labarik sira ne’ebé fa’an sasan iha tinan 2024 INDDICA seidauk halo fila fali asesmentu foun tanba ne’e nafatin mantén ho dadus ne’ebé mak uluk ne’ebé labarik hamutuk 300 ne’ebé fa’an sasan merkadu, loja, Estrada públiku no iha Jardin sira.

Rate this item
(1 Vote)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30