Lei La Bandu FP Simu Subsidiu Sesta Bazíka Featured

By Ekipa INDEPENDENTE Outubru 22, 2020 1511
Ministru Koordenador Asuntu Ekonomia (MKAE) Joaquim Amaral. Ministru Koordenador Asuntu Ekonomia (MKAE) Joaquim Amaral.

DILI:Ministru Koordenador Asuntu Ekonomia (MKAE) Joaquim Amaral informa funsionariu públiku (FP) iha direitu atu asesu ba sesta bazika.

Ministru hato’o ketaun ne’e relasiona ho rekomendasaun husi Sosiedade Sivíl atu FP labele hetan tanba sira-nia vensimentu garantia hela

.

“Lei hatete ema hotu-hotu simu, ita dehan fila fali labele, nune’e lei haruka, ita kumpre lai ida ne’e, nune’e pozisaun governu nian mak ida ne’e,” dehan Joaquim iha Palasiu Governu, Kuarta (21/10).

Governu deside ona atu atribui bein-alimentár sira no ijiene pesoál esenssiál, ne’ebé hanaran “Cesta Básica” ka nuudar alternative voucher hodi sosa sasan atu fó ba sidadaun hotu-hotu ne’ebé hela iha Timor-Leste, no sasan sira ne’e mai husi produsaun nasional no lokal.

Molok ne’e, Diretor Fongtil Daniel dos Santos konsidera programa sesta bazika ne’e di’ak maibé husu governu presiza rekola dadus halo didi’ak hodi responde duni ba komunidade vurneravel sira, ba funsionariu ne’ebé vensimentu la’o hela labele hetan.

“Governu presiza tetu didi’ak no presiza halo atualizasaun dadus ida atu bele garantia de’it ba familia vulneral sira mak iha direitu hodi simu, tanba funsiorius sira tuir sosiedade sivil, sira laiha direitu atu hetan apoiu ida ne’e tanba sira-nia vensimentu lao normal,” dehan Daniel.

Nia dehan governu tenke halo atualizasaun atu garanti katak, deputadu, membru governu, funsionairiu publiku, sira nee la iha direitu hetan sesta basiku tanba sira nia vensimentu lao normal hela, sesta basiku ne’e bá duni populasaun ne’ebé vulneravel, populasaun ne’ebé iha uma laran membru familia barak ema ho defisiente sira ne’e iha direitu atu bá hetan sesta basiku, planu rekuperasaun ekonomia nee tenke haree ida neebé mak priodade urjente duni, maibé ida neebé mak asegura katak nia iha sustentabilidade, se ita halo ida nee bele responde maibé iha sustentabilidade maibé labele hanaran planu depois la iha sustentabilidade.

Rate this item
(0 votes)

Independente Digital TV