LABEH Husu Governu Responde Direitu Reklamante Sesta Bázika

By Gregorio da Costa Agostu 25, 2021 290
Diretór Ezekutivu Lalenok ba Ema Hotu (LABEH), Crystoper Henry Samson. Foto:Grigoriu/Independente. Diretór Ezekutivu Lalenok ba Ema Hotu (LABEH), Crystoper Henry Samson. Foto:Grigoriu/Independente.

DILI: Diretór Ezekutivu Lalenok ba Ema Hotu (LABEH), Crystoper Henry Samson, husu ba Governu liu-liu Ministeriu implementadór programa sesta bázika atu responde lalais direitu reklamante sira nian.

Enkuantu, tuir observasaun husi LABEH durante halo monotorizasaun kona ba sesta bázika iha Munispiu sira hotu, kuaze ema barak mak seidauk simu sira nia direitu.

“LABEH husu ba Governu tenke iha responsabilidade ba reklamasaun sidadaun sira ne'ebé seidauk hetan nia direitu kona-ba sesta bázika,” dehan nia iha knar fatin LABEH kampung baru, Komoro, kuarta ne’e (25 08).

Tuir nia, programa sesta bazika la'os deit iha nasaun Timor-Leste, maibé iha nasaun seluk hanesan Nasaun Brazil mós implementa programa ne’e.

Entretantu, molok ne’e Kordenadór ba Programa Sesta Bázika husi MKAE, Fernando Araújo hatete, reklamante sesta bázika iha Munispiu 12 inklui REAOA hamutuk na’in 25.382.

Tanba ne’e, iha tempu badak Governu sei responde ba direitu reklamante sira nian.

 

Asistente Editor: Saturnina da Costa

Rate this item
(0 votes)

Independente Digital TV