Peskizadór hato’o lia hirak ne’e relasiona ho deklarasaun prezidente partidu CNRT deklara katak iha tinan ne’e banku federasaun sei la fó autorizasaun ba governu atu foti osan tanba viola ona lei jestaun finanseira.

“ Bele foti kuandu Parlamentu Nasional aprova no Prezidente Repúblika promulga” dehan nia, Tersa (06/10).

Nia hateten, governu liuhusi Ministériu Finansa (MF) hato’o pedidu ba BCTL nu’udar jestór operasionál bele transfere fundu tuir nesesidade no aprovadu ba tezouru governu nian.

Tuir nia konstituisaun no lei orsamentu no jestaun finanseiru nu’udar baze atu opera OJE kada tinan, maibé la bandu atu governu bele foti osan iha banku federasaun wainhira hetan aprovasaun husi PN no promulga husi PR tanba ne’e la iha problema.