“Durante akontesimentu inundasaun, ita identifika ona komunidade afetadu hamutuk 653, nune’e, ohin loron sira fornese aihan ida ne’e hodi apoiu ba ita nia komunidade afetadu sira,”dehan Prezidente KSTL Almerio Vila Nova iha knar fatin Bemori, segunda ohin (07/06).
Prezidente KSTL hatutan, apoiu ne’e hetan doasaun husi sindikatu Australia liu husi organiazaun Australian People for Health Education Development Abroad (APHEDA) ho montante osan dolar amerikanu $9,468,50.
Entretantu, Vise-Prezidente KSTL Francisco da Costa Fernandes agradese ba sindikatu Australia ne’ebé apoiu ona komunidade afeitadu sira.
Enkuantu, nesesidade bazika ne’ebé apoiu, kada ema ida sei hetan fós saka 1, mina 1,75 Litru 1, manu-tolun fuan 10 no rinso talin 1.
Asistente Editor: Saturnina da Costa
