Konfrontu Iha Lourba, PM Xanana Sei Bolu Lider GAM-GAR Featured

By Ekipa INDEPENDENTE Novembru 04, 2023 1463
PM Xanana Gusmão Konversa ho Komandante Jeral no Segundu Komandante Jeral iha Edifisiu Komando Jeral, Kaikoli, (03/11/23). Foto:Media GPM. PM Xanana Gusmão Konversa ho Komandante Jeral no Segundu Komandante Jeral iha Edifisiu Komando Jeral, Kaikoli, (03/11/23). Foto:Media GPM.
DILI: Xefi Governu Xanana Gusmão fo alarma, iha tempu besik sei bolu lider Artemarsiais no Arte Ritual sira ne’ebé ejiste ha Timor-Leste, atu bele esplika doutrina Artemarsiais nian.
Tanba Tuir PM Xanana Gusmão katak Artemarsiais ka Arte ne’e laos hanorin atu estraga malu.
“Ha'u avizu kedas ba Xefi do Grupu Artemarsiais hotu hotu, prepara ha'u sei bolu sira hotu, atu husu los ba sira, hanorin Arte saida mak, estraga fali labarik sira sa Arte saida mak hanesan ne’e?,"afirma PM Xanana Gusmão, relasiona ho konfrontu anarkia iha Lorba, Munisipiu Bobonaro.
Xefi Governu ne’e dehan, atividade grupu Artemarsiais no Arte Ritual sira, uluk taka ona, maibe iha Governasaun anterior deside loke fali, no halo lei apoiu tan orsamentu ba grupu Artemarsiais mo Arte Ritual sira maibe, joven sira kontinua estraga malu.
“Uluk taka tiha Governu foin dadaun ne’e mak loke fali, ha'u ba deskute iha Orsamentu ne’eba hare ba hare mai, osan bo’ot ba sira, mais la halo buat ida, ba fali estraga ema no ema nia uma sira,”Xanana dehan.
Konfrontus entre joven sira iha Suku Lourba, no Suku Karabau Postu Administrativu Bobonaru Munisípiu Bobonaru iha Loron 3 Fulan Novembru ne’e, rejulta uma kuaze sanulu resin hetan sunu, no ema na'in hitu kanek todan.
Rate this item
(0 votes)
Last modified on Domingu, 05 Novembru 2023 21:53

Independente Digital TV