Domingu, 16 Maiu 2021 | Login
Jose Lobato koalia hela ho jornalista hafoin hasoru malu Presidente Republika. Foto antigu. Jose Lobato koalia hela ho jornalista hafoin hasoru malu Presidente Republika. Foto antigu.

Kompaña Santos Sei Fura Mina Matan Foun Tolu Iha Bayu Undang

DILI: Kompaña Santos sei fura mina matan foun tolu iha Bayu-udang hodi halo operasaun, tanba tuir estimasaun produsaun sei remata iha fulan Janeiru 2022.

Deklarasaun ne’e fó sai husi, José Lobato nu’udar Country Manager kompaña Santos hafoin hasoro malu ho Ministru Prezidensia Konsellu Ministru (MPKM), Fideles Manuel Leite Magalaens, iha Palasiu Governu.

Nia haktuir, iha sorumutu ho Ministru Prezidensia Konsellu Ministru ko’alia asuntu rua ne’ebé importante, primeiru hato’o servisu operasaun nian relasiona ho situasaun Covid-19, ne’e duni governu fó sujestaun no antesaun ba operasaun Bayu Undang nian.

Aliende ne’e, atu introdus kompaña Santos nu’udar operadór foun, tanba antes ne’e ConocoPhillips maka sai hanesan operadór, maibé operadór ConocoPhillips deside fa’an ona nia asaun no operadór Santos maka sosa, ne’e duni ohin loron kompaña Santos maka iha partisipasaun bo’ot liu (60%).

“Ha’u mai hato’o planu investimentu balun ne’ebé kompaña Santos hanoin ona no iha relasaun ho operadór Bayu-Undang. Kompaña Santos iha estimasaun, sei halo investimentu hodi fura tan mina matan tolu, ne’ebé presiza investe osan tokon U$ 200. Prosesu ne’e iha hela diskusaun ho Autoridade Nasional Petroleu Minerais (ANPM), ne’ebé sai nu’udar regulador ba setor pertoleu,” informa José Lobato, hafoin sorumutu ho Ministru Prezidensia Konsellu Ministru, Fideles Magalaes iha Palasiu Governu, (13/08).

Nia haktuir, sei investimentu ne’e aprova duni, entaun bele dada naruk tan jestaun mina nian ba tinan ida resin, ne’e duni maka mai hato’o investimentu ida ne’e ba Ministru.

Osan tokon U$ 200 ne’ebé atu investe, kompaña maka sei tau, tanba iha setor petróleu mina nain maka estadu, maibé investe ne’e husi kompaña, ne’e duni ko’alia Bayu-Operadór la’os de’it santos nia responsabilidade, maibé ba kompaña hotu ne’ebé maka hola parte iha Bayu-Operadór tenke kontribui orsamentu.

Read 1268 times
Rate this item
(0 votes)