Nia hatete, ezijensia atu truka monumentu 12 Novembru ne’e, halo bebeik iha Governasaun tinan hirak liu ba, no Governu promote atu truka, maibé to’o agora seidauk realiza.

Tanba ne’e, iha Governasaun ida agora, Komite 12 Novembru nafatin ezije atu nune’e bele harii estatua Saudozu Sebastião Gomes iha fatin refere.

“Ha'u la dehan Governu laiha atensaun iha santa Kruz, maibé ha'u hakarak dehan tenke halo justisa, la bele nega fatin historiku ne’e, no bainhira tau naran 12 Novembru iha ne'eba signifika bo’ot liu tan,”dehan nia iha ambitu komemorasaun Masakre 12 Novembru, iha Santa Krus, sesta horseik (12/11).

Hanesan Prezidente Komité 12 Novembru nia lakohi atu Governu foku liu ba 12 Novembru, hodi haluha akontesimentu sira seluk hanesan Sebastião Gomes nian, maibé tenki kompleta malu.

Tuir nia, atu harii monumentu Sebastião Gomes, ida ne’e responsabilidade Governu nian hodi hadia.

Entretantu, Saudozu Sebastião Gomes mate iha loron 28 fulan-Outubru 1991. Hafoin juventude loriku as’wain sira konvoka malu hodi hala’o demostrasaun iha Jardin Motael to’o bai ha Santa Kruz, hodi defende povu no nasaun husi okupasaun Indonezia.

Asistente Editor: Saturnina da Costa