Tuir komunikadu ne’ebé Online INDEPENDENTE asesu husi SIJK, iha 23 Marsu 2021, Diretór sala situasaun SIJK Brigadeiru Jeneral João Miranda “Aluk” ho Kordenador Estadu Maior SIJK Pedro Klamar Fuik hasoru-malu hodi prepara atu aprejenta proposta foun ba Konselhu Ministru ba estensaun EE.
“Preparasaun ne’e ho pedidu kontinua husu estensaun Estadu Emergensia ba dala XII, haree ba numeru kazu Covid-19 iha Munisipiu Dili ne’ebé loron ba loron nia númeru kazu pozitivu hahu aumenta, no Bebonuk konsidera hanesan Zona Vermelha,” informa komunikadu ne’e.
Iha sorumutu ne’e, kokorda mós atu tau efetivu Polisia Nasionál Timor-Leste (PNTL) ho Falintil Forsa Defeza Timor-Leste (F-FDTL) hodi maksimiza seguransa iha Dili laran no bele hafahe populasaun sira ne’ebé gosta halibur-malu.
Maske nune’e, komunikadu ne’e dehan, proposta ne’e presiza hetan nia kobertura juridika hodi bele lejitima iha nia implementasaun.
