"Asina akordu administrativu hodi aplika ba konvensaun multilaterál seguransa sosiál Komunidade País Lian Portugés, iha Cabo Verde," deklara Konsellu Ministru liuhusi komunikadu ne'ebé diáriu ne’e asesu, Sábadu (23/11).
Akordu administrativu ne’e tuir planu sei asina iha 3 Dezembru 2025, iha Cabo Verde, estabelese prosedimentu operasionál sira ne’ebé nesesáriu ba implementasaun konvensaun multilaterál seguransa sosiál CPLP nian.
Konvensaun ne’e ho objetivu atu promove espansaun kobertura protesaun sosiál atu bele garante portabilidade direitu sosiál ba sidadaun sira ne’ebé hela iha país oioin komunidade nian no reprezenta marka signifikativu ida iha konstrusaun sidadania entre povu sira komunidade nian no fó benefísiu ne’ebé reál no konkretu ba sidadaun sira komunidade nian.
