“Planu ne'e, elabora ona ho bazeia ba prosesu avaliasaun planu atuál no iha konsulta alargada ida, ba nivel nasionál no munisipál, ho liña ministériál, instituisaun nasionál, provedór servisu, organizasaun sosiedade sivil no parseiru dezenvolvimentu,”dehan Ministru Prezidensial Konsellu Ministru, Fidelis Leite Magalhães, iha Palásiu Governu.

Governante ne’e hatutan, planu ne’e estabele ho pilár tolu ka área prioridade estratéjika hanesan, prevensaun violénsia, prestasaun servisu esensiál ba vítima sira violénsia nian no apoiu jurídiku no mós asesu ba justisa.

“Aprova rezolusaun ne'e, hanesan planu asaun ba instituisaun estadu sira, atu bele tau esforsu maximu no mós liña ministerial sira, tau osamentu bele reduz no hapara violensia bazeia ba jeneru iha Timor-leste,” tenik nia.

Iha fatin hanesan, Sekretaria Estadu Igualidade no Inkluzaun, Maria do Rosário Fátima Correia, hatete, sekretariu estadu, laiha ona alterasaun ba lei violensia domestika, tanba parte liña ministerial inklui rede referal hotu konkorda, agora ba iha Planu Asaun Nasional Violensia Bazeia ba Jeneru, ne'ebé halo ona revizaun ba datoluk, ho pilares tolu mak hanesan, pilares prevensaun, servisu sosial no asesu ba justisa.