Sexta, 24 Setembru 2021 | Login
KM Altera Organika VIII Governu, Iha Vise-PM Na’in Rua

KM Altera Organika VIII Governu, Iha Vise-PM Na’in Rua Featured

DILI:Liu husi reuniaun Konsellu Ministrus aprova alterasaun dahuluk projetu Dekretu Lei N.14/2018, loron 17 fulan-Agostu kona-ba Orgánika Governu Konstitusionál da-VIII.

Alterasaun ba organika VIII Governu ne’e, hili Vise Primeiru Ministru na’in atu apoiu servisu Primeiru Ministru nian no halakon Ministériu balun.

“Husi prezente diploma ne’e, sei preve ezisténsia Vise-Primeiru-Ministrus na’in rua atu konjuga ka fó apoiu ba Primeiru-Ministru iha ninia knaar,”dehan Ministru Reforma Lezislativa Asuntu Parlamentar (MRLAP), Fidelis Leite Magalaes, iha salaun Ministériu Finansas, Aitarak Laran, (13/05)

Hasai Ministériu balun mak hanesan Ministru Reforma Lejislativa no Assuntus Parlamentares no Ministru Planeamentu no Investimentu Estratéjiku nakfila ba Ministru Planu Ordenamentu Teritoriu.

Ministru Fidelis dehan, iha lei organika foun ne’e la preve tan ezistênsia Ministru Estadu, tanba iha ona Vise Primeiru Ministru na’in rua. 

Ho prezente Dekretu-Lei ne'e rasik, atribuisaun ba matéria reforma lejislativa, prosessu lejislativu no reforma administrativa sei transfere ba Presidensia Konsellu Ministrus. 

Entrentantu, MRLAP hatete membru governu sira ne’ebe sei subtitui Vise Primeiru Ministru na’in rua naran labele fó sai tanba kompetensia iha Primeiru Ministru.

Projetu dekretu lei ne’e aprejenta husi Primeiru Ministru Taur Matan Ruak iha reuniaun Konsellu Ministru.

Alterasaun projetu dekretu lei ne’e aprovadu, ne’ebé subtitui Vise-Primeiro-Ministro na’in rua, Ministru Assuntu Parlamentares no Komunikasaun Sosial, Ministru Planu no Ordenamentu Território, Vise-Ministru ba area Turismo Kultural no Komunitariu, Vise-Ministru Komérsiu no Indústria, Vise-Ministro Interior.

Ministériu sira ne’ebé la relevante no deside hasai mak Ministru Estadu tanba iha ona Vise-PM na’in rua, Ministru Reforma Legislativa ba Assuntu Parlamentares, Ministru Planeamento no Investimento Estratégiku.

Read 3363 times
Rate this item
(0 votes)