Portavoz PNTL, Superiendente Polisia João Belo dos Reis informa, Diresaun Servisu Investigasaun Kriminal (DSIK) konklui ona prosesu investigasaun no halo ona identifikasaun ba suspeitu na’in 3 husi empreza CVT, hafoin ekipa halo inspesaun foin lalais ne’e.

“Prosesu identifikasaun remata. Kona-ba envolvimentu suspeitu balun ne’ebé mak ita identifika, investigasaun kriminal aprezenta ona ba Ministeriu Publiku. Ha’u la lembra númeru krime ita prense iha ne’ebá hira, mais ami aprezenta ona ba iha Ministeriu Publiku,” informa Joãoiha salaun Ministériu Interior, Kaikoli, Kinta (18/12).

Nia hatutan, DSIK halo aprezentasaun ba MP hafoin konklui prosesu investigasaun iha loron hirak hafoin ekipa halo inspesaun.

“Tuir ita-nia identifikasaun ema na’in 3 mak ita tau hanesan suspeitu iha prosesu ne’e. Daudauk ne’e fatin refere sei dada hela police line,” katak nia.

Molok ne’e, Komando Polisia Nasionál Timor-Leste hato’o klarifikasaun ofisial relasiona ho operasaun ne’ebé hala’o iha andar lima ETO Tower, Mandarin, Dili, iha Kuarta (10/12). Operasaun ne’ebé lidera husi Superintendente Asistente Polísia Mouzinho Tavares Correia ne’e ninia alvu ba edifisiu ne’ebé aluga husi empreza Capital Ventures Timor, tanba deskonfia hala’o atividade jogu online.

Portavoz Komando PNTL, Superiendente Polisia João Belo dos Reis esplika katak operasaun refere hala’o bazeia ba informasaun husi CEO ETO Group, Nilton Telmo Gusmão, ne’ebé deskonfia iha atividade illegal.//

Hakarak lee notisias kompletu, asesu deit pajina ka link e-paper INDEPENDENTE: https://digital.independente.tl, edisaun sesta (19/12/25).