Segunda, 18 Outubru 2021 | Login
Brigadeiru Jenerál F-FDTL, Calisto Santos “Coliati” ho Vise-Prezidente Komisaun Organizadora Rekrutamentu F-FDTL, Nuno de Carvalho dos Santos, fó sai teste vaga ba membru F-FDTL. Foto: Saturnina da Costa/Independente. Brigadeiru Jenerál F-FDTL, Calisto Santos “Coliati” ho Vise-Prezidente Komisaun Organizadora Rekrutamentu F-FDTL, Nuno de Carvalho dos Santos, fó sai teste vaga ba membru F-FDTL. Foto: Saturnina da Costa/Independente.

Kandidatu Membru F-FDTL 2,400 Pasa Iha Selesaun Dokumentu Featured

DILI:Kandidatu atu sai membru F-FDTL hamutuk 2,400 mak pasa ona iha selesaun dokumentu, husi total aplikante na’in 12,259.

Vise Prezidente Komisaun Rekrutamentu Falintil-Forsa Defeza Timor-Leste (F-FDTL), Nuno de Carvalho dos Santos hatete, kandidatu ne’ebé liu iha tinan ne’e (2021) hamutuk 3,139, husi total aplikante 12, 259 ne’ebé komisaun rekolla iha tinan 2020.

Maibé depois komisaun halo re-verifikasaun ba kandidatu 3,139 konsege hetan numeru final hamutuk 2,400 kandidatu.

“Husi total kandidatu 2,400 ne’e sira sei halo ezaminasaun médika, psíko-teknika no intervista,”dehan nia iha konferensia imprensa iha salaun Kuartel Jéral F-FDTL Fatuhada, sesta ohin (21/05).

Iha faze hirak ne’e, komisaun sei taís fila-fali kandidatu sira nia rezultadu ezame no halo tan re-verifikasaun.

Entretantu iha fulan-Jullu, sei fó sai naran final ba públiku, no inisiu fulan-Agostus hahú treinu.

Tuir órariu husi Diresaun Saúde Militar no Komisaun katak, loron ezaminasaun médika hala’o iha loron 1 fulan-juñu no teste fízika sei hala’o iha 2 fulan-Juñu tinan 2021, oras tuku 06:30 dader.

Maibé teste fízika aplika bainhira kandidatu sira pasa ona iha ezame médiku.

Tanba ne’e, husu ba kandidatu sira ne’ebé komisaun koloka ona tuir kalendariu tenki mai konsentra hotu iha Kuartel Jeneral FDTL, Fatuhada Dili, iha horas 04:30 madrugada.

Komisaun sei transporta kandidatu sira ba tuir ezame médika, fízika iha Sentru Instrusaun Komandante Nicolau Lobato, Metinaro Dili.

 

Asistente Editor: Saturnina da Costa

Read 3231 times
Rate this item
(0 votes)