Sexta, 17 Setembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-09-15&metrics=ga%3Avisits&dimensions=ga%3Ayear&start-index=1&max-results=1000: (403) Quota exceeded for quota metric 'Queries' and limit 'Queries per day' of service 'analytics.googleapis.com' for consumer 'project_number:402577812915'.
Diretora Ezekutivu JSMP, Ana Paula Marçal ho Diretór Jornal Independente, José Sarito Amaral asina akordu kooperasaun, sesta (16/4), iha sala sentru formasaun Tane Liberdade Jornal Independente. Foto Saturnina da Costa/Independente Diretora Ezekutivu JSMP, Ana Paula Marçal ho Diretór Jornal Independente, José Sarito Amaral asina akordu kooperasaun, sesta (16/4), iha sala sentru formasaun Tane Liberdade Jornal Independente. Foto Saturnina da Costa/Independente

JSMP-Jornal INDEPENDENTE Asina Akordu “Publikasaun Materia Área Justisa” Featured

DILI:Judicial System Monitoring Programme (JSMP), sesta ohin (16/04) asina akordu ho Jornal Independente ba kooperasaun servisu hamutuk iha area publikasaun materia iha area justisa nian.

Akordu ne’e ho durasaun tempu fulan neen (6), hahú fulan-Abril too Setembru 2021, hafoin kontinua fali haree ba posibilidade.

“Tanba ne’e ami hanoin iha momentu ida importante entre JSMP ho Jornal Independente bele asina ona akordu ida ne’e. Kooperasaun ida ne’e atu habelar liu tan informasaun iha area justisa nian,”dehan Diretora Ezekutivu JSMP, Ana Paula Marçal,sesta ohin, iha sala sentru formasaun Tané Liberdade jornal Independente.

 “Ami mós halo ona akordu ho jornal sira seluk hanesan Timor-Post, STL, nune’e ami iha hanoin atu asina akordu mós ho Jornal Independente, no ohin ita konsege asina ona akordu ne’e hodi halo koperasaun di’ak liu tan”.

Entretantu Diretór Jornal Independente, José Sarito Amaral hatete, laiha duvidas atu servisu hamutuk ho JSMP ba intrese públiku ninian, tanba JSMP nia publikasaun ba area justisa nian ne’e klaru liu.

“Uluk nanain hato’o agradese-wain ba kolega no maluk husi JSMP nian, no ha’u sempre akompaña pajina iha jornal diariu sira seluk, nia vantajen no benefisiu bo’ot ba iha públiku tanba haree husi kontekstu jornalismu nian babain jornal no online sira sempre fó sai area justisa iha modelu hakerek stright news de’it no sempre fó informasaun ne’ebé badak de’it,”dehan Sarito.

Nune’e liuhusi koperasaun ida ne’e públiku bele informadu ho pajina ida ne’ebé jornal Independente oferese ba JSMP hodi públika ninia materia sira kona-ba setór justisa ninian.

“Ha’u sempre iha hanoin no iha vontade atu halo koperasaun ho JSMP, maibé agradese tanba ohin konsege ita bele asina akordu servisu hamutuk ne’e atu nune’e ami oferese pajina ida ba JSMP atu priense materia iha area justisa nian ne’ebé ho kompletamente,”tenik nia.

 

Jornalista: Saturnina da Costa

Read 1459 times
Rate this item
(0 votes)