Nia dehan, Lixu iha Merkadu Taibesi no intermus ida ne'e hodi hato'o preokupasaun sira ne'e kada ekipa iha ne'e kolaka iha fatin ida ne'e funsionariu sira la sufisiente hodi kontrola negosiante sira soer arbiru ne'e.
Tanbá funsionariu sira ne'e maioria katuas hotu no tinan ida ne'e funsionariu mate hamutuk na'in hat ona, ho ida ne'e Jestaun Merkadu Taibesi menus rekursu umanu.
Aleinde ne'e, iha Jestaun Merkadu Taibesi laiha fasilidade menus hanesan aixar, kanuru ho garfu no sira seluk, tanbá area juridiku Merkadu Taibesi luan tebes.
Tanbá negosiante Munisipiu 13 mai konserta hamutuk iha Merkadu Taibesi no Manleuana, buat hotu-hotu vendedor sira laiha konsiensia Soe foer arbiru deit.
"Ha'u sempre fo orden ba jestor Merkadu Taibesi husi dader to'o lokraik tenke fo avisu ba negosiante sira katak bainhira fan sasan hotu foer tenke ba soe iha lixu fatin," Dehan Nia ba Jornalista INDEPENDENTE iha knaar fatin Merkadu Taibesi, Segunda (14/04)
Maibé, vendedor sira mak laiha konsiensia hodi nune'e kria foer barak iha merkadu Taibesi, karik negosiante sira mak iha konsiensia iha sidade Dili atinji 70% ho ambiente ne'ebé diak.
Ho nune'e sidade Dili kria lixu fatin no ida ne'e fo hanoin ba vendedor sira katak bainhira sira lori produtu lokal husi Munisipiu Ainaro no Aileu ne'ebé sira mai fan ona iha Merkadu ida ne'e foer sira soe deit merkadu laran.
Funsionariu husi Jestaun Merkadu Taibesi hamutuk 14 no sira ne'e fahe servisu ba sira katak liu-liu iha Merkadu Taibesi, ne'ebé sira nafatin halo kontrola negosiante sira ne'ebé fan sasan iha merkadu lokal Taibesi.
Maibé, funsionariu sira atu tama idade reformadu tanbá funsionariu balun ho idade 60 resin, Planu Estratejia Anual iha tinan 2026 no Diretór Servisu Munisipal Dili iha planu atu halo rekrutamentu ba Timor oan sira hamutuk 40 resin.
Iha Jestaun Merkadu Taibesi funsionariu la sufisiente, no funsionariu iha Jestaun Munisipiu Dili hamutuk 100 atu koloka ba lokasi hamutuk 9 Munisipiu Dili.
"Tanbá atu koloka iha Merkadu Taibesi, Manleuana, Cristo Rei João Pauli II tasi tolu no sira seluk tan no funsionariu menus tebes, tanbá ne'e ha'u relata ona superior sira katak iha tinan 2026 sei halo rekrutamentu tan Timor oan sira," Nia hakotu.
