Segunda, 27 Setembru 2021 | Login
EBF Casnafar Manleuna DIli. Foto Saturnina da Costa/INDEPENDENTE EBF Casnafar Manleuna DIli. Foto Saturnina da Costa/INDEPENDENTE

Inundasaun iha Dili, Eskola 25 Hetan Estragus, 8 Gravé Featured

DILI:Inundasaun ne’ebé  akontese iha loron 3 to’o loron 4 fulan-Abril tinan 2021 rezulta eskola hamutuk 25 mak hetan estragus no grave.

Tuir Diretór Nasional Asaun Sosiais Eskolar (DNAS), Joaquim Martins hatete, iha loron 4 fulan-Abril akontese dezastre naturais ne’ebé akontese liu-liu iha Munisipiu Dili.

Tanba ne’e iha loron 5 fulan-Abril diresaun relevante sira husi MEJD foti asaun ida atu tun direita ba observa fatin no eskola sira ne’ebé hetan estragus husi inundasaun.

“Bazeia ba orintasaun Ministru no Vise Ministru ami tun hodi perkore kedan eskola sira iha Munisipiu Dili, atu hodi hatene eskola sira nia kondisaun grave ne’e oinsa, bazeia ba ami nia observasaun identifika katak, total eskola ne’ebé grave ne’e porvolta de 25 eskola,”dehan nia iha knar fatin MEJD, Vila-Verde (07/04).

Husi 25 eskola sira ne’ebé hetan estragus husi inundasaun ne’e kompostu husi ensinu baziku to’o ba iha nivel sekundaria, tantu husi eskola katolika  no publiku.

EBF Casnafar 1

                                                       Kondisaun EBF Casnafar Manleuna Dili.

Tanba ne’e eskola ne’ebé hetan estragus husi inundasaun fahe ba kategoria tolu mak hanesan, kondisaun gravé, kondisaun naton no mós kondisaun di’ak hela.

Ho nune’e observasaun MEJD iha eskola 8 mak gravé, eskola 9 mak nia grau ne’e naton no eskola 8 tan mak bee tama maibé  naton.

Nia esplika, eskola 8 ne’ebé hetan gravé husi inundasaun mak hanesan, Ensinu Sekundaria Jeral 5 de Maio ne’ebé iha sala 10  bee no tahu tama nakonu no mós moru at husi parte komunidade nian.

Ensinu Sekundaria Jeral Sergio Viera de Melo, iha sala 5 mak bee tama mos moru eskola nia monu.

Ensinu Sekundaria 4 de Setembru, sala 15 bee tama no tahu no mós moru monu husi parte kotuk nian, EBC Manleuana, EBF Fatuhada, EBF Casnafar Manleuna, no Eskola Tekniku vokasional Hera.

EBF Casnafar 2

                                             Kondisaun EBF Casnafar Manleuna Dili.

Aleinde ne’e iha munisipiu Baucau mós eskola sira ne’ebé hetan estragus husi inundasaun mak eskola EBC Osouna, eskola refere anin sobu sala 3 no mós EBF Rembor iha Munisipiu Manatuto, komunidade sira uza tanba hetan inundasaun.

Nune’e MEJD sei fó apoiu uluk ba komunidade sira ne’ebé hela iha sentru evakuasun sira, no halo kordenasaun parte relevante sira no parseiru sira atu apoiu.

Entretantu tuir relatoriu Diresaun Nasional Meteorolojia no Geofísica (DNMG), Timor-Leste hatete, akontesimentu inundasaun iha kapital Dili, Aileu, Remexio, no Railako durante loron 3, hahú husi loron 1 to’o 3 Abril kalan, impaktu husi udan boot ho pluviosidade 25mm.

Udan boot refere nia efeitu mai husi fenómeno meteorolojiku ho naran Osilasaun Madden-Julian (OMJ) no alem ida ne’e, nia efeitu mai husi mos Siclone tropical, baixa presaun ou depresaun(L) ho velocidade anin: 63- 69 km/h, ne’ebé lokaliza iha Sudoeste Kupang, distansia 297 km husi Dili.

 

Jornalista: Saturnina da Costa

Editor: Jose Sarito Amaral

 

Read 451 times
Rate this item
(0 votes)