INSS Halo Ona Pagamentu ba Entidade Empregador ho Fakultativu Hamutuk 8,633

By Ekipa Independente. Agostu 26, 2021 410
Prezidente INSS, Longuinhos Armando Leite. Foto: Dok/Independente. Prezidente INSS, Longuinhos Armando Leite. Foto: Dok/Independente.

DILI: Governu liu husi Institutu Nasional no Seguransa Sosial (INSS) halo ona pagamentu ba entidade empragador no fakultativu sira hamutuk ema nain 8,633.

Prezidente INSS, Longuinhos Armando Leite hateten, ba traballador no entidade empregador ne’ebé seidauk simu pagamentu apoia empregu, bele ba direita iha INSS hodi reklama, no tenke lori ho kartaun ne'ebé antes ne’e sira entrega ba benifisiariu sira.

“Ita selu ona entidade empregador no fakultativu sira hamutuk 8.633 ho orsamentu $4,083, 740. Tuir  dadus ne’ebé iha, fakultativu hamutuk 1,364 ho orsamentu dolar amerikanu $251.509, no traballador sira ne’ebé selu ona hamutuk 566.000 ho orsamentu hamutuk $3.146,166, inklui mós ba ita nia empreza sira hanesan eletresidade no renda,” dehan nia iha knar fatin INSS, kaikoli (25/08).

Nia hatutan, ba subsidiu eletresidade INSS halo ona pagamentu ba entidade empregador hamutuk 203 ho orsamentu dolar amerikanu $275.230.

Aleinde, Governu fó apoia mós renda ka aluga fatin, selu ona entidade empregador hamutuk 137 ho orsamentu hamutuk dolar amerikanu $136.633.

Tuir nia, prosesu pagamentu ba entidade sira hotu sei kontinua nafatin, tanba sei iha empregu balun ne'ebé sei iha prosesu verifikasaun nia laran.

 

Asistente Editor: Saturnina da Costa

Rate this item
(0 votes)

Independente Digital TV