Hafoin asiste serémonia posse, tuir Horta katak, José Belo laos ema foun iha area Komunikasaun Sosial.
Horta koñese José Belo desde iha tempu luta ba ukun rasik, tanba ne’e iha ona ona experensia barak atu hadia diak liutan rttl iha futuru.
"Ha’u koñese di’ak José Belo, ha’u sei kontinua fó konsellu karik presija ha’u nia opinaun,"dehan Horta, tersa ohin (11/4), iha salaun PCM, Palacio Governu.
Eis Presidente Repúblika Timor-Leste ne’e rekomenda ba Presidente foun rttl ep tenke promove notisia ho lingua hat, mak hanesan tetun, portugés, bahasa Indonesia no engles.
Horta konsidera jornalista mós nudar ajente diplomata di’ak ida tanba liuhusi notisia ho lian engles bele promove Timor-Leste iha mundu.
Iha fatin hanesan mos Presidente Konsellu Imprensa, Virgilio Guterres rekomenda ba Presidente RTTL, E.P foun hodi haluan infrastrutura edifisiu ep nian iha munisipiu sira.
“Ita espera katak ho Presidente foun rttl ba dala neen ida ne’e, bele halo mudansa signifikativu iha RTTL, E.P iha futuru,”dehan Gil.
Jornalista: Camilio de Sousa
Asistente Editor: Saturnina da Costa
