Horta Aprova Proposta PM Xanana Ba Ezonerasaun Vise MF Helder Lopes Featured

By Setembru 08, 2023 1242
 Karta Ezonerasaun ba Vise Ministru Finansas Helder Lopes Ne’ebé Aprova husi Prezidente Repúblika José Ramos Horta, iha loron 7 fulan-Setembru 2023. Foto:Media PR. Karta Ezonerasaun ba Vise Ministru Finansas Helder Lopes Ne’ebé Aprova husi Prezidente Repúblika José Ramos Horta, iha loron 7 fulan-Setembru 2023. Foto:Media PR.

DILI: Prezidente Repúblika, José Ramos Horta, aprova ona pedidu husi Primeiru Ministru Kay Rala Xanana Gusmão ba ezonerasaun Vise Ministru Finansas, Helder Lopes.

“Ezonerasaun ne’e bazeia bá Dekretu Prezidente Repúblika No 2023/kona-bá ezonerasaun Vise Ministru Finansas IX Governu Konstitusionál husi ninia kargu”, Online INDEPENDENTE asesu iha komunikadu.

Dekretu ne’e assinadu husi Xefe Estadu iha 07 Setembru tinan 2023 no tama iha vigór  hahú husi data publikasaun ne’e.

Entretantu, molok ne’e, Fontes ida ne’ebé besik PM Xanana hatete, Primeiru Ministru, Kay Rala Xanana Gusmão, sei kumpre ninia promesa atu halo avaliasaun dezempeñu servisu ba membru governu sira iha loron 120 nia laran.

Nune'e, tuir planu PM Xanana sei hasai membru governu ho nivel ministru na'in rua (2) no vise ministru ida (1), iha tempu badak nia laran.

"Membru governu ida ne'ebé pozitivu ona atu hasai mak Vise Ministru Finansas, Helder Lopes," dehan fontes besik Primeiru Ministru, ne'ebé lakohi publika ninia identidade.

Helder rasik sei promove nu'udar Governadór Banco Central Timor Leste (BCTL) hodi substitui, Abraão de Varconcelhos, ne'ebé ninia mandatu remata ona.

Tuir planu, Governadór foun BCTL, Helder Lopes sei hahú halao servisu iha loron 13 Setembru 2023.

Figura ne'ebé atu troka Helder Lopes mak Felicia Carvalho, ne'ebé antes ne'e servisu iha gabinete eis Ministra Finasas, Emilia Pires. Daudaun ne’e Felicia hala'o hela knaar nu'udar asesora iha Ministériu Solidariedade Sosiál no Inkluzaun (MSSI).

Aleinde Helder, iha mós ministru na'in rua seluk ne'ebé tama iha lista remodelasaun. Maski nune'e, diskusaun kona-ba na'in rua ne'e foin mak atinze 75%.

Rate this item
(1 Vote)
Last modified on Sexta, 08 Setembru 2023 18:11
Saturnina da Costa

Jornalista Jornal Independente

https://independente.tl

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30