Koalia ba jornalista sira hafoin enkontru semanal ho Prezidente Repúblika, José Ramos Horta, iha Palasiu Prezidensial, Bairo-Pite, Kinta (23/10), Xanana afirma katak nia sei marka prezensa direita iha julgamentu ne’ebé tuir planu sei hala’o iha fulan Outubru tinan 2026.
"Posivelmente iha Outubru tinan mai ne'e, ha'u mak responde mós iha Tribunál Melbourne. Lalika tauk, tanba botamak ida uluk kaer Lighthouse ne'e, Governu Austrália rasik mak dehan maiória fraude delito iha Austrália laran ne'e, ne'ebé lalika tauk," dehan PM Xanana.
Kona-ba posibilidade atu manan, PM Xanana dehan, susar ba kompaña atu manan Timor-Leste.
“Agora ha’u labele estratejia saida mak atu hasoru sira. Sira sei la manan ita maibé atu manan oinsa ha’u labele esplika agora. Fiar de’it katak sira atu manan ita susar,” dehan Xanana.
Molok ne'e, Ministru Justisa, Sérgio da Costa Hornai, afirma kazu ne’e la’o hela iha Tribunál Supremu Victória. Empreza Lighthouse ejize Governu Timor-Les tenke selu prejuízu milliaun $600.
“Ita-nia estadu tenke prontu hasoru iha kualker momentu, depende ba desizaun Tribunál iha país avansadu hanesan Autrália,” dehan Ministru Sérgio ba jornalista sira, hafoin reuniaun Konsellu Ministru, iha Palasíu Governu, Díli, Kuarta (22/10).
