Tersa, 07 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-05&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Embaixadór Xina iha Timor-Leste, Xiao Jiangou oferese fundus ba Espoza Prezidente Repúblika, Cidália Lopes Nobre Mouzinho Guterres, iha Palasiu Prezidensial Bairu-Pite, tersa horseik (23/11). Foto: Media GAAC-PR. Embaixadór Xina iha Timor-Leste, Xiao Jiangou oferese fundus ba Espoza Prezidente Repúblika, Cidália Lopes Nobre Mouzinho Guterres, iha Palasiu Prezidensial Bairu-Pite, tersa horseik (23/11). Foto: Media GAAC-PR.

Governu Xina Oferese Osan Rihun $20 ba GAAC-PR

DILI: Governu Xina liu husi nia Embaixadór iha Timor-Leste, oferese osan ho montante dolar amerikanu rihun $20 ba Gabinete Apoia Atividade Konjugé Prezidente Repúblika (GAAC-PR), hodi apoia Timoroan sira ne’ebé presiza tulun, liuliu ba edukasaun, saúde, sosial no dezenvolvimentu komunitaria.

Apoia ne’e oferese direita husi Embaixadór Xina iha Timor-Leste, Xiao Jiangou ba Espoza Prezidente Repúblika, Cidália Lopes Nobre Mouzinho Guterres, iha Palasiu Prezidensial Bairu-Pite, tersa horseik (23/11).

Espoza Prezidente Repúblika, Cidália Lopes Nobre Mouzinho Guterres hatete, apoia ne’e hodi suporta atividade komisaun SADIA no Gabinete ba iha area prioridade haat hanesan, edukasaun, saúde, sosiál no dezenvolvementu komunitaria.

Nia esplika, hanesan apoiu labarik sira ne’ebé para eskola hodi kontinua fali, apoiu estudante finalista sira iha universitariu, programa saúde nian hanesan halo sosializasaun ba kankru susun, serviks.

Ho doasaun ne’e sei apoiu mós ba iha programa kulinaria no formasaun mikro negósiu ba inan-feton sira iha area rurál.

“Agradese ba governu Xina liu husi nia Embaixadór ne’ebé oferese ona fundus hodi apoia átividade ne’ebé durante ne’e Gabineti Konjuge liu husi Fundasaun Sadia realiza ona,”dehan nia iha komunikadu ne’ebé Online INDEPENDENTE asesu, kuarta ne’e (24/11).

Iha fatin hanesan, Embaixadór Xina iha Timor-Leste Xiao Jianguo, hatete, koperasaun entre Gabinete Espoza Prezidente Repúblika ho embaixada Xina kleur ona, nune’e sira kontinua fó apoia hodi reforsa atividade gabineti nian no halo diak liu tan.

Tanba ne’e, Embaixadór Xina apresia ho servisu hamutuk durante ne’e, ne’ebé lao diak tebes, nune’e ba oin presiza reforsa liután hodi bele benefisia ema ne’ebé presiza atensaun.

“Ha’u mai halo vizita ba Espoza Prezidente Repúblika, Cidália Nobre Guterres, hanesan baibain ami servisu hamutuk no durante ne’e iha buat balun mak ami ko’alia ona kona ba fundasaun ne’ebé Espoza Presidente lidera,”dehan  Embaixadór Xiao Jianguo.

“Hanesan foin liuba, ita hatene pandemia Covid-19 ho inundasaun ne’ebé maka akontese. ita presiza forsa ida hamutuk atu bele fó asistensia. Hanesan ita hotu hare situasaun rua ne’ebé akontese primeiru pandemia, Xina hanesan nasaun ne’ebé primeiru responde hodi aluga aviaun ida fó apoiu ba rai Timor-Leste no mós rai seluk. Tanba ne’e husu ba sosiedade sivil no entidade hotu atu hamutuk rezolve situasaun ne’ebé akontese.” Tenik nia.

Entretantu, Xefe Caza Sivil, Francisco Maria de Vasconcelos, hatete, apoia ne’ebé Governu Xina oferese ba GAAC sei inisiativa, liu-liu ba grupu vulneravel sira atu konsolida sira-nia moris no hadi’a sira nia futuru.

Read 91 times
Rate this item
(0 votes)

About Author