Governu TL Sei Selebra Akordu Rua ho Portugál Featured

By Outubru 02, 2023 756
Reuniaun Konsellu Ministru neebe prezide husi PM Xanana. Foto:Dok Reuniaun Konsellu Ministru neebe prezide husi PM Xanana. Foto:Dok

DILI: Liu husi reiuniaun Konsellu Ministrus, segunda ne’e, delibera ona hodi autoriza asinatura akordu administrativu ba publikasaun entre Timor-Leste no Portugál kona ba seguransa sosiál no memorandu entendimentu entre Miniteriu Traballu Solidariedade Sosiál no Inkluzaun Portugál no Sekretariu Estadu Formasaun Profesional no Empregu Timor-Leste kona ba mobilidade traballadór timoroan nian.

Tuir komunikadu ne’ebé Online INDEPENDENTE asesu, akordu sira ne’e sei asina husi Ministra Solidariedade Sosiál no Inkluzaun, Verónica das Dores no Sekretáriu Estadu Formasaun Profisionál no Empregu, Rogério Araújo Mendonça, respetivamente, durante vizita ofisiál ba Portugál.

“Akordu dahuluk ne’e ho objetivu atu permite artikula no koloka iha vigór Konvensaun Seguransa Sosiál, ne’ebé permite katak sidadaun timoroan no portugés sira bele hetan benefísiu iha país rua ne‘e, no ho benefísius Seguransa Sosiál ne’ebé hanesan husi nasaun rua ne’e ida. Nune’e, iha futuru timoroan sira bainhira sira husu reforma, hodi sura, sira bele halo kálkulu pensaun nian kona-ba deskontus ne’ebé sira halo ona durante servisu iha Portugál”,haktuir iha komunikadu, segunda ne’e (02/10).

Entretantu, iha akordu daruak ho objetivu atu fasilita no organiza ho forma institusionál entrada timoroan sira ba Portugál hodi buka servisu. Ho akordu ida-ne’e, migrasaun timoroan sira ba Portugál bele trata ona ho dalan ofisiál no sei fasilita prosedimentu sira ne’ebé presiza hodi hetan vistus servisu.

Rate this item
(0 votes)
Last modified on Kuarta, 04 Outubru 2023 17:18
Saturnina da Costa

Jornalista Jornal Independente

https://independente.tl

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30