Sábadu, 23 Outubru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-10-21&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Reiuniaun Konsellu Ministru, prezide husi PM Taur Matan Ruak. Foto:Dok. Reiuniaun Konsellu Ministru, prezide husi PM Taur Matan Ruak. Foto:Dok.

Governu Propoin Extende Tan EE Ba Dala-14 Featured

DILI:Hafoin analiza aprezentasaun husi pontu situasaun epidemiolójika nasaun nian, husi Sala Situasaun Sentru Integradu Jestaun Krizes (SIJK), Konsellu Ministru delibera ona atu propoin ba Prezidente Repúblika, Francisco Guterres Lú Olo, atu renova estadu emerjénsia ba loron tolunulu tan.

“Haree ba evolusaun preokupante husi situasaun epidemiolójika no proliferasaun ba kazu sira ne’ebé mak rejista ona husi kontájiu Covid-19 nian, tanba ne’e atu evita no neutraliza risku sira husi propagasaun SARS-CoV-2, atu bele proteje saúde públika no iha kbiit atu hatán ba Sistema Nasionál Saúde nian, Governu propoin Prezidente Repúblika ho renovasaun estadu emerjénsia nian ne’e, permite atu suspende ka limita direitu no garantia fundamentál balun,” dehan Ministru Prezidensia Konsellu Ministru Fidelis Leite Magalhães, iha Ministeriu Finansas Aitarak-Laran, Dili Kuarta ohin (19/05).

Enkuantu, molok ne’e Prezidente Republika prolonga Estadu Emerjensia ba dala-13 hahú iha loron 2 fulan-Maiu no termina iha loron 2 fulan-Juñu tinan 2021.  

Entretantu, Timor-Leste rejista ona kazu akumuladu totál hamutuk 4765 dezde inísiu pandemia nian.

Husi kazu ativu daudaun ne’e hamutuk 2,238, rejista ona iha Munisípiu Dili hamutuk 1851, 128 iha Baukau, 101 ha Kovalima, no 75 iha Vikeke.

Taxa insidénsia iha nivel nasionál  mak abitante rihun 13,8 /100 no iha Dili abitante rihun 42,5/100.

To’o ohin loron 3,3% husi populasaun  mak simu ona doze dahuluk husi vasina kontra COVID-19.

Iha faze dahuluk vasina ona ema besik 28,600 no iha faze daruak nian dezde loron 10 fulan-maiu, ema hamutuk 20,094 mak simu ona vasina.

 

Asistente Editor: Saturnina da Costa

Read 443 times
Rate this item
(0 votes)