Ministru Prezidensia Konsellu Ministru Fidelis Leite Magalhães hatete, projetu ba proposta lei ida-ne’e hetan ona deliberasaun iha sorumutuk Konsellu Ministrus iha loron 8 fulan-abril tinan 2021, liuliu atu introdús alterasaun substansiál sira iha faze redasaun finál, hetan mós nesesáriu hodi submete ba deliberasaun foun husi Konsellu Ministrus.
“Haree ba besik ona eleisaun prezidensiál sira tuir mai, alterasaun ida-ne’e ho objetivu hodi adekua ba situasaun atuál, iha kontestu pandemia Covid-19 nian no reforsu ba kapasitasaun ba resposta ida di’ak liu ba nesesidade sidadaun sira-nian,”dehan nia iha Ministeriu Finansas Aitarak-Laran, Dili Kuarta ohin (19/05).
Tanba ne’e, prosede ba reforsu rekizitu formál sira kandidatura nian, ba klarifikasaun no organizasaun prosesu eleitorál no fasilita kondisaun sira kona-ba ezersísiu ba direitu votu sidadaun sira-nian.
Asistente Editor: Saturnina da Costa
