Sábadu, 23 Outubru 2021 | Login
PM Taur Matan Ruak PM Taur Matan Ruak

Governu Presiza Dadus Apoiu Estudante Sira Iha Kos Featured

DILI: Governu sei fó apoiu umanitária ba estudante sira ne’ebé hela iha kos, maibé presiza dadus konkreta.

“Ohin mós Xefe Kaza Sivil Palasiu Prezidensiál ohin levanta kestaun hela balun, ami haree posibilidade halo nusa, primeiru ita tenke hatene ema hira, nia hela iha ne’ebé, ninia problema saida atu ita hatene, bainhira fó apoiu ne’e ita hatene,” dehan PM Taur Matan Ruak ba jornalista sira hafoin enkontru ho Presidente Repúblika, iha Palasiu Prezidensiál Bairu-Pite Dili, Kuarta (17/03).

Tuir PM Taur katak, normalmente situasaun hanesan ne’e ema presija apoiu hotu, ema la presija mós presija hotu, satan hanesan Timor, tanba ne’e Governu presija iha númeru atu hatene.

MSSI sira prontu atu apoiu se de’it desde iha númeru konkretu nesesidade konkreta buat ne’ebé Governu labele halo, Governu la halo, maibé buat ne’ebé Governu bele, sei bele, tanba Governu hala’o ona iha Covalima.

“Ha’u hanoin ita mós bele halo iha Dili, ba ita nia oan sira desde ita hatene númeru hira loloos,”dehan nia.

Antes ne’e, estudante sira ne’ebé hela iha kos, halerik ba osan atu selu kos no hahan ne’ebé hahú menus iha ambítu serka sanitária no konfinamentu obrigatóriu iha Dili.

Entretantu Diretór Jerál Ministériu Solidariedade Sosial no Inkluzaun (MSSI), Rui Manuel Exposto informa, atu apoiu ba estudante sira ne’ebé hela iha kos, sei iha prosesu diskusaun, ne’ebé ko’alia kona-ba apoiu saida mak Governu sei fó ba estudante sira.

Iha parte Ministériu Ensino Superio Siénsia no Kultura (MESSK) mós lansa ona formulariu liu husi media sosial.

Aliende ne’e, MESSK mós prepara no fahe ona formuláriu ba universidade sira, atu estudante ne’ebé hela iha kos bele prienxe hodi bele simu apoiu umanitária husi MSSI.

 

Jornalista: Saturnina da Costa

Editor: Jose Sarito Amaral

Read 948 times
Rate this item
(0 votes)