Governu Marka Loron 10 Agostus Submete Orsamentu Retifikativu Ba PN Featured

By Ekipa INDEPENDENTE Jullu 29, 2023 1356
Primeiru Ministru Kay Rala Xanana Gusmão. Foto: Media Gabineti PM. Primeiru Ministru Kay Rala Xanana Gusmão. Foto: Media Gabineti PM.

DILI: Primeiru-Ministru, Kay Rala Xanana Gusmão afirma, IX Governu Konstitusionál marka ona loron 10 Agostu 2023 sei submete Orsamentu Ratifikativu (OR) ba Parlamentu Nasionál (PN).

Xefe Governu Xanana informa,  Prezidente Repúblika, José Ramos-Horta informadu, tanba Parlamentu Nasionál sei presiza tempu halo diskusaun no aprovasaun hodi finansia despeza sira durante fulan-neen nia laran.

 “Prezidente Repúblika, José Ramos-Horta informadu tiha ona katak, iha loron 10 augusto karik ami lori Orsamentu Retifikativu ba Parlamentu, mas ami sei servisu makaas antes loron ne’e ami haruka ona ba hodi nune’e buat hotu bele la’o ho di’ak, dehan PM Xanana, hafoin reniaun semanál ho PR Ramos-Horta, iha Palásiu Prezidensiál, Bairo-Pité, foin lalais ne'e. 

PM Xanana dehan, governu sei servisu makas ba preparasaun ba orsamentu ne’e rasik hafon aprova tiha lei organika liña ministeriu sira nian.

Orsamentu Orsamentu Ratifikativu (OR) Governu anteriór ninia ba tinan 2023 biliaun $2-resin, ne’ebé agora atu haree hosi fulan-juñu to’o dezembru 2023.

Xefe Governu Xanana hatutan, governu mós sei rona Prezidente Repúblika nia hanoin atu  revoga tiha lei sira ne’ebé sira governu anteriór hatama hodi muda tiha sistema ida uluk presiza hadia fila fali hodi fó dalan ba governu atuál bele implementa programa no orsamentu tuir sistema finansas nian.

Antes ne’e, iha loron segunda (24/07/23), Konsellu Konsellu Ministru halo aprezentasaun ida Ministériu Finansa, kona-ba projetu Proposta Lei ba alterasaun dahuluk ba Lei númeru 15/2022, loron 21 fulan-dezembru, kona-ba Orsamentu Jerál Estadu ba tinan 2023 no ba Lei númeru 2/2022, loron 10 fulan-fevereiru, kona-ba enkuadramentu Orsamentu Jerál Estadu no Jestaun Finanseira Públika.

Rate this item
(0 votes)
Last modified on Sábadu, 29 Jullu 2023 21:29

Independente Digital TV