"Iha tinan primeiru ami nia suporta mak dollar amerika rihun $800, no ba tempu ida ne'e ami nia suporta finanseiru mak ho orsamentu dolar amerika millaun $1.2, no governu Japaun ninia suporta ba Timor-Leste espesialmente ba de'it luta hasoru Covid-19 ne'e ita sura totál hamutuk dolar amerika millaun $20 ", dehan embaixador Japaun ba Timor-Leste Masami Kinefuchi ba jornalista hafoin entrega karreta iha SAMES Kinta (17/02).
Aleinde ida ne'e Governu Japaun mós apoiu Timor-Leste liu husi oferese vasina AstraZeneca ho totál 1.168 doze.
Iha fatin hanesan reprezentante Deputy UNICEF iha Timor-Leste, Ainhua Jaureguibeitia, agradese ba governu Japaun ba servisu parseria ho UNICEF hodi suporta sistema korenti malirin iha Timor-Leste, espesialmente ba fornesementu karreta retrijerador hirak ne'e.
"Ohin loron ofisialmente ami entrega kareta tolu ne'e hodi halo konstrusaun ba armazenamento iha armazéns regionais iha RAEOA, Ainaro, Baucau, no Bobonaro".
Enkuantu Kuartu retrigerador ho ninia assesoria sira ne’e sei instala iha armazens regionais hat ne’e ho kritiku esensiais hodi armazena vasina ho seguro no distribuisaun kualker tempo ba iha municipio hotu no mos ba unidades/fasilidade saude hotu.
Entretantu, Vise Ministru Saúde, Bonifacio Maucoli dos Reis hateten, UNICEF fornese ona karreta tolu ba MS ne'e, atu bele distribui vasina Covid-19 ba armajen rejional sira hodi bele halo atendementu, liu-liu atu konserva vasina sira.
