Ministru Administrasaun Estatal, Miguel Pereira de Carvalho hatete, nia parte sente kontenti bele inagura ona uma ba kbiit la’ek sira iha munisipiu refere.
Nune’e, bele garante sidadaun sira bele hela iha fatin ida ne’ebé dignu.
Iha Fatin Hanesan Xefe Suku Metagou, Salvador Santos Gomes, hatete, durante ne’e nia komunidade sira toba deit iha uma ne’ebé udan ben tama, maibé ohin loron sira bele hetan uma ne'ebe di'ak.
“Agradese no orgulu tebes, tanba liu husi oitavu Governu ida ne'e bele hari'i ona uma ne'ebé dignu ba komunidade kbiit laek iha Suku Metagou”, liu husi komunikadu ne’ebé Online INDEPENDENTE asesu, sabado ne’e.
Entretantu, benefisiariu Clementina A. Sequeira Araújo, agradese ba Governu ne'ebé konstrui ona uma ba sira, tanba durante ne’e sira hela deit iha uma ne’ebé la sufisiente iha tempu naruk nia laran.
Enkuantu, uma kbiit laek ne’e ho medida 4×8m ho sala vizita ida, kuartu tolu, haris fatin ida no dapur ida.
Antes ne'e, Governu inaugura ona uma kbi'it laek iha Munisipiu Aileu no Manufahi.
