Governu aprova ratifikasaun deklarasaun admisaun TL ba ASEAN

Novembru 05, 2025

Governu aprova ratifikasaun deklarasaun admisaun TL ba ASEAN ^Featured

By Cesarina de Carvalho Novembru 05, 2025 144

Reuniaun Konsellu Ministrus ne’ebé diriji husi PM Kay Rala Xanana Gusmão, iha Palasiu Governu, Dili, Tersa (04/11/25). Foto:Media GPM.

DILI: Governu liuhusi reuniaun Konsellu Ministru aprova projetu proposta rezolusaun Parlamentu Nasionál, ba ratifikasaun deklarasaun admisaun Repúblika Demokrátika Timor-Leste (RDTL) ba Asosiasaun Nasoins Sudeste Aziátiku (ASEAN).

Proposta rezolusaun ne'e aprezenta husi Ministru Negósius Estranjeirus no Kooperasaun(MNEK), Bendito dos Santos Freitas.

"Proposta Rezolusaun ne’e ho intensaun atu ratifika deklarasaun kona-ba admisaun Repúblika Demokrátika Timor-Leste ba ASEAN, ne’ebé asina iha Malázia, iha 26 Outubru 2025, durante serimónia adezaun plena Timor-Leste nian ba organizasaun rejionál ne’e," hateten iha komunikadu ne’ebé Online ne’e asesu husi Konsellu Ministru, Tersa (04/11).

Entretantu, deklarasaun ne’e reprezenta aseitasaun polítika husi Estadus-Membru ASEAN kona-ba inkluzaun Timor-Leste nian nu’udar Estadu-Membru plenu direitu, tuir nú 4 artigu 6.º husi Karta ASEAN, ne’ebé nu’udar etapa esensiál ida ba integrasaun plena Timor-Leste nian iha mekanizmu no estrutura sira organizasaun nian.

Rate this item

(0 votes)