Tersa, 07 Dezembru 2021 | Login
Reuniaun Konsellu Ministru diriji husi PM Taur Matan Ruak, iha Palasiu Governu. Foto:Dok. Reuniaun Konsellu Ministru diriji husi PM Taur Matan Ruak, iha Palasiu Governu. Foto:Dok.

Governu Aprova Dekretu Lei Rejime Remuneratoriu ba F-FDTL ho PNTL Featured

DILI: Governu Liu husi reuniaun Konsellu Ministru aprova  alterasaun Dekretu-Lei kona-ba rejime remuneratóriu FALINTIL – Forsa Defeza Timor-Leste (F-FDTL) nian, ne’ebé aprezenta husi Ministru Defeza, Filomeno da Paixão de Jesus.

“Projetu ne’e halo aumentu salariál besik 5% iha postu militār sira hotu-hotu no halo atualizaun ba suplementu rumenatóriu sira,”dehan Ministru Prezidensia Konsellu Ministru Fidelis Leite Magalhães, iha Palasiu Governu, sesta horseik (24/09).

Nia hatutan, intervensaun lejizlativa ida ne’e ho objetivu atu hetan karreira militár ne’ebé atrativa liu, ho kondisaun salariál ida tuir nia modernizasaun no profisionalizasaun husi Forsa Armada sira.

“Hakarak mós atu armoniza diploma ida-ne’e ho proposta aiterasaun ba Estatutu Militár sira F-FDTL nian,” nia dehan.

Enkuantu, Governu mós Aprova alterasaun, projetu Dekretu-Lei kona-ba Rejime Remuneratótiu husi Polisia Nasionál Timor-Leste nian (PNTL), ne’ebé aprezenta husi Primeiru-Ministru no Ministru Interiór, Taur Matan Ruak no husi Vise-Ministru Interiór, António Armindo.

“Ho projetu ida-ne’e halo aumentu remuneratóriu globál sira ho valór 5% husi remunerasaun baze no halo atualizasaun ba suplementu remuneratóriu sira,”tenik nia.

Governante ne’e hatutan, ho intervensaun lejizlativa ne’e hakarak estimula membru PNTL sira ba prestasaun di’ak, iha kumprimentu misaun polisiál nian, atu dignifika no hasa’e profisaun.

 Aleinde hadi’a remuneratóriu, halo mós ba armonizasaun sistema remuneratóriu PNTL nian ho forsa seguransa sira seluk, ho hanoin aprosimasaun husi korrespondente nivel remuneratóriu sira.

 

Asistente Editor: Saturnina da Costa

Read 365 times
Rate this item
(0 votes)