Governu aprova Dekretu Lei ida ba transformasaun CFJJ ba Sentru Eselénsia Featured

By Ivonia Varela Juñu 19, 2024 692
Reuniaun Konsellu Ministru. Foto:Dok. Reuniaun Konsellu Ministru. Foto:Dok.

DILI: Governu liuhusi reuniaun Konsellu Ministru (KM), aprova projetu dekretu-lei ba rejime foun kona-ba atividade formasaun Sentru Formasaun Jurídika no Judisiária (CFJJ, sigla iha lian Portugés) hodi transforma sai sentru eselénsia ba profesionál setór judisiál nia.


Projetu Dekretu-Lei n. 10/2020, loron 25 fulan-Marsu hetan alterasaun dahuluk, ne’ebé aprezenta husi eis-Ministra Justisa no Koordenadora Grupu Traballu ba Reforma Setór Justisa, Lúcia Lobato.

Tuir komunikandu ne’ebé Online INDEPEDENTE asesu katak, Tuir objetivus Governu Konstitusionál IX no rekomendasaun sira husi relatóriu “Ba justisa ida ne’ebé di’ak-liu”, ne’ebé aprezenta ba Governu husi Grupu Traballu ida ne’e rasik, reforma ida-ne’e ho objetivu atu transforma CFJJ sai sentru eselénsia ida ba profesionál sira setór judisiál nian.
Nune’e, alterasaun prinsipál sira ne’ebé mai ho diploma ida-ne’e inklui alterasaun ba kompozisaun juri konkursu ingresu nian, ne’ebé dadaun ne’e sei iha membru lima, inklui formadór husi CFJJ.
Tan ne’e, medida ida-ne’e permite atu liberta liután majistradu no defensór públiku sira husi tarefa rekrutamentu, atu sira konsentra bainhira hala’o sira-nia funsaun.
“Objetivu ba alterasaun ne’ebé propoin mak atu promove kapasitasaun profesionál no domíniu ba lian Portugés, ho faze formasaun eskolár no prátika ne’ebé sei hala’o iha país sira ne’ebé ko’alia Portugés, liuhusi kooperasaun ho entidade estranjeiru sira. Faze eskolár ne’e reorganiza hodi foka-liu ba matéria jurídika sira ne’ebé esensiál, inklui avaliasaun interkalár eliminatória ida hafoin fulan 12,” dehan Komunikandu ne’ebé Online INDEPEDENTE Sita, Kuarta (19/06).
Entretantu, klasifikasaun finál ba faze formasaun ne’e define fila-fali, hodi atribui 60% ba faze eskolár no 40% ba prátika.
Aleinde ne’e, prevé posibilidade abertura ba konkursu estraordináriu durante kursu ingresu, hodi prienxe nesesidade rekursus umanus iha karreira majistratura no defensória públika nian.

Rate this item
(0 votes)

Independente Digital TV