Ministra Saúde (MS) Odete Maria Freitas Belo hatete, pagamentu ba lina frente sira ne’e sei la hanesan, pessoal saúde sira ne’ebé maka halo atendimentu iha fatin izolamentu, no iha laboratóriu kada loron sei hetan U$25, ba sira ne’ebé maka halo atendimentu iha fatin kuarentena sira sei hetan U$20 nomós ba sira ne’ebé maka servisu apoiu administrativu sei hetan U$15.
“Tuir dadus Ministériu Saúde (MS) nian ema ne’ebé maka atu hetan direitu ne’e hamutuk na’in 3.070 husi munisípiu 12 inklui RAEOA ho proposta orsamentu tokon U$3.9,” dehan nia, iha Palasiu Governu Sesta, (12/6).
Odete dehan, verifikasaun dadús ba lina frente sira parte saúde nian remata ona, no entrega ona ba Sentru Integradu Jestaun Krize (SIJK) atu lori dokumentu sira ne’e ba Ministériu Finansas (MF), verifika fali depois prosesa ba pagamentu.
