Asesór Prinsipál ba Asuntu Sosiais iha Palasiu Prezidensial Gaspar Afonso hatete, durante halo vizita hodi apoiu nesesidade bázika ba EhD sira iha munisipiu ne’e la’os asaun karidade maibé ne’e hanesan maneira ida atu bele hakbesik an sira.
“Banhira ha’u la halo hanesan ne’e ha’u labele ba vizita sira tanba ha’u la’o Ministriu, Vise-Minsitru no Sekretáriu Estadu hodi halo desizaun par ba vizita, ha’u tenki halo planu no trick hanesan ne’e atu nune’e ha’u rona nafatin sira nia ejizénsia,” dehan Asesór iha Salaun Retiro Dare, Tersa (27/02).
Nia dehan, bainhira tun ba baze halo asaun ne’e, hanesan trick ida atu besik nafatin ba EhD sira nia ejizénsia, no la’os knaar asesór, tanba bainhira lori knaar asesór nia labele ba vizita EhD tanba liu husi maneira refere bele hatene EhD nia moris iha área rurál.
“ha’u uza maneira sira ne’e bele hakbesik ba ha’u-nia maluk sira, hodi ha’u bele hare direita sira-nia kondisaun moris, afinál loos duni sira ne’ebé idade 16 mai kraik moris susar tebes sa tan inan-aman moris ho agrikultura,” katak nia.