“Iha janeiru to'o maiu, ita rejista vitima dezastre naturais hamutuk 100 ital  no na’in 6 lakon vida,” dehan nia, iha edifisiu APC, Kaikoli, kinta (08/06).

Nia hatutan, tipu dezastre naturais ne’ebé akontese iha Munisipiu Ermera ne’e kauza husi rai monu, ai tohar hanehan komunidade sira nia uma no ai tohar baku ema mate.

Aliened, rai halai ho mota sobu, iha fulan fevereiru nia laran rezulta uma komunidade ualu mak hetan estragus.

“Ita nia sidadaun na’in tolu ne’ebé lakon vida, tanba dezastre  kauza husi anin boot rezulta ai tohan hanehan mate, na’in rua mota lori ida mout iha be debu, iha Letefoho nian,” nia esplika.

Ba dadus vitima dezastre naturais, daduk ne’e, APC rekolla hotu ona hamutuk 100 resin. Enkuantu, husi númeru ne’e vitima balun hetan ona apoiu emerjensia maibé barak mak seidauk hetan apoiu emerjensia, tanba  prosesu verifikasaun dadus seidauk konklui.

“Vitima sira ne’ebé ita seidauk fó apoiu emerjensia ne’e, tanba ekipa sei halo prosesu verifikasaun ba dadus ho klean hodi kontinua apoiu ba iha rekoperasaun, tanba ne’e sei hein, ami sei prosesu mai iha nasional,” dehan nia.

Entretantu, tuir dadus husi Direasaun Nasional Bombeirus efetivu membru na’in 32 mak destakadu iha Munisipiu Ermera.