Vise Primeiru Ministru, Ministru Asuntu Ekonómiku no Ministru Turizmu no Ambiente, Francisco Kalbuadi Lay informa, Prezidente Repúblika José Ramos Horta relata asuntu tolu.
"Ohin, ha'u mai relata ba Prezidente Repúblika asuntu tolu hanesan ita bo'ot sira hatene katak hahú husi 23-25 husi Ministru Koordenadór Asuntu Ekonómiku sei organiza hela forum bisnis ba forum internasionál durante loron tolu ne'e sei foka ba ekonómia ne'e úniku asuntu, ne'ebé sei partisipa husi emprezáriu lubuk ida husi hotu-hotu liu-liu Asian Pasífiku, Xina, Korea, Japaun no sira seluk," informa Vise Primeiru Ministru, Ministru Asuntu Ekonómiku no Ministru Turizmu no Ambiente, Francisco Kalbuadi Lay ba jornalista sira hafoin remata enkontru ho Xefe Estadu iha Palasiu Prezidensia Bairu-Pite, Tersa (14/11).
Nia dehan, servisu hamutuk ho Kámara Komérsiu Indústria Timor Leste (CCI-TL) nia (Kalbuadi) hanesan orientadór no Koordenadór jerál, no vise Jorge Serano hamutuk ho nia ekipa tomak fatin atividade ne'e iha GMN Bebora.
Nia hatete, se iha forum ne'e mak konsege hetan akordu asina entre emprezáriu nasionál no mós emprezáriu sira mai husi rai li'ur.
Entretantu, iha enkontru ne'e Prezidente Repúblika José Ramos Horta apoiu, antes ne'e mós relata tiha ona Primeira Primeiru, importante mós hanesan Xefe Estadu no aban sei hato'o ba iha Konsellu Ministru mais detallu.
