Sexta, 25 Juñu 2021 | Login
Segundu Komandu Polisia Munisipiu Dili, Superintendente Polisia, Euclides Belo. Foto PNTL Segundu Komandu Polisia Munisipiu Dili, Superintendente Polisia, Euclides Belo. Foto PNTL

Forensik PNTL Identifika Matebian Filomena Laiha Hahán Iha Uma Laran Featured

DILI:Segundu Komandu Polisia Munisipiu Dili, Superintendente Polisia, Euclides Belo informa, hafoin matebian mate tanba deskonfia tara an, ekipa forensik PNTL to'o kedas iha fatin akontesimentu no rejultadu investigasaun hatudu matebian tara an duni tanba laiha lojistika iha uma atu konsumu.

Vitima ne’e orijen husi Aldeia Vatubou, Suku Riheu, Munisipiu Ermera, mate iha nia uma, lagoa ida, area Tasitolu ne’ebe akontese iha loron (02/04).

Euclides haktuir, informasaun ne’ebé infomadór hato’o ba polisia sira katak iha dadersan informadór bolu vitima atu matabisu hamutuk, maibé informador ba vitima nia uma hodi dere odamatan, no bolu mós vitima la hatan, portantu bainhira loke odamatan haree vitima hamrik ho kondisaun mate no tali iha nia kakorok.

“Bainhira rona kona-ba kazu tara-án, Komandu Munisípiu Dili, hatun ordém ba PNTL iha eskuadra D. Alexo, atu halo konfirmasaun. Nune’e bainhira to’o iha fatin, lós duni katak vítima ho naran kompletu Filomena Fátima Maia Tara-án,”haktuir Euclides iha nia kna’ar fatin, Komandu Munisipál Dili ( 03/04/2021).

Euclides esplika, informadór bolu viziñu, inklui informa ba autoridade seguransa, nune’e mos informa ba parte mediku nian hodi bele evakua vitima ba iha Hospital Nasional Guidu Valadares (HNGV).

Entretantu, hafoin forensik PNTL no mediku sira husi HNGV to’o fatin akontesemenu halo teste no remata intrega vitima ba fali familia, signifika katak vitima mate tara-an ne’e la’os kauza ema ruma oho mate mak tara, maibe nia mak ho konsensia rasik tara-an ne’e mak mate.

“Tuir ekipa investigasaun, vítima halo asaun refere tanba kondisaun Sosiál ne’ebé vítima hasoru, no fatór balun ne’ebé mak sai kauza ba nia mak distrisaun bipolar, depresaun maiór, no parte investigasaun identifika katak laiha hahán iha uma laran atu suporta ba nia moris hodi konsumu, ne’e infomasaun real ne’ebé PNTL investiga iha terrenu,”dehan Euclides.

 

Jornalista: Saturnina da Costa

Editor: Jose Sarito Amaral

Read 502 times
Rate this item
(0 votes)