Tersa, 28 Setembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-09-27&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Kilat PSIK Kilat PSIK

FM: Kilat PSIK Sufistikadu Liu Kilat PNTL ho F-FDTL Featured

DILI : Diretór Ezekutivu Fundasaun Mahein, Joao Almeida relata, kilat ba Polísia Sientifika Investigasaun Kriminal (PSIK) nian ne’e sufistifikadu liu Polísia Nasional Timor Leste (PNTL) no Falintil-Forsa Defeza Timor-Leste (F-FDTL) nian. Tanba ne’e, Fundasaun Mahein husu ba Komisaun B Parlamentu Nasional (PN)  atu bolu Ministru Justisa (MJ) atu bele halo klarifikasaun ba públiku.

 

MJ tenke klarifika detallada PSIK nia servisu tanba pistola ne’e mai atu proteje bele mós fó ameasa.

Nia hato’o deklarasaun ne’e relasiona ho Ministériu Justisa (MJ) liuhusi diploma Ministerial númeru 33/2017 halo aprovasaun hodi sosa pistola ho Marka Glok-19 husi Nasaun Israel ne'ebé kompletu ho fasilidade ne'ebé sufistikadu liu PNTL no F-FDTL.

Diretor Fundasaun Mahein hatutan, to’o agora la hatene pistola hira mak aprova ba PSIK no ida ne'e perigu teb-tebes bainhira la serteza ba pistola hira ne'e bele hamosu potensia ba utilizasaun sala.

"Timor Leste rai kiik no populasaun oituan sei fó espasu ba PSIK atu lori kilat sei fó mós espasu ba instituisaun sira seluk atu bele iha hotu kilat, agora ita hare’e F-FDTL no PNTL mak uza kilat agora PSIK mós kaer kilat, KAK mós treinu ona kilat, Alfandega, polísia Florestal," dehan nia iha nia knaar fatin, Ohin (15/10).

Nia duvida, se Timor ne'e kilat bar-barak saida maka sei akontese ba rai ne'e bainhira nia mekanismu kontrola sira sei fraku.

Tanba ne'e, Fundasaun Mahein la aseita atu sosa kilat ba PSIK.

Nia afirma, iha dekretu lei guvernu nian kona-ba kriasaun Polísia sientífiku no Investigasaun Kriminal (PSIK) iha ne'ebá mós ko'alia kona-ba investigador sira iha PSIK nia laran sei lori mós armas. Hahú husi ne'eba Fundasaun Mahein komesa preukupa ona tanba ko'alia kona ba armas, ko'alia mos kona-ba oinsa bele utiliza armas.

Read 1884 times
Rate this item
(0 votes)