Sexta, 24 Setembru 2021 | Login
Ekipa Tékniku ba Prevensaun Covid-19 Munisipiu Dili, segunda ohin fahe sumbriña ba vendedór sira iha merkadu Manleuna. Foto Julia da Costa/INDEPENDENTE Ekipa Tékniku ba Prevensaun Covid-19 Munisipiu Dili, segunda ohin fahe sumbriña ba vendedór sira iha merkadu Manleuna. Foto Julia da Costa/INDEPENDENTE

ETP Covid-19 Munisipiu Dili Fahe Sumbriña ba Vendedór Manleuana Featured

DILI: Ekipa Tékniku ba Prevensaun Covid-19 Munisipiu Dili, segunda ohin fahe sumbriña ba vendedór sira iha merkadu Manleuana.

Fahe sumbriña ne’e ba vendedór sira ne’ebé durante ne'e fa’an sasan iha luron (trotoar leten) nuudar programa ida ba prevensaun surtu Covid-19.

Tuir Anacleto Guterres hanesan Ekipa Tekniku ba Prevensaun Covid-19-19 iha Munisipiu Dili haktuir, objetivu fahe sumbriña ne’e nuudar programa sensibilizasaun kona-ba distansia sosial hodi prevene surtu Covid -19 ne’ebé sai preokupasaun iha mundu tomak.

“Ho ida ne’e ami ho Ministériu Saúde apoiu husi ita nia parseiru sira liu husi servisu saúde munisipiu Dili hamutuk ho autoridade munisipipal mai hodi organija malu vendedores iha merkadu manleuana, atu oinsa bele kria distansia sosial liliu sira ne’ebé fa’an sasan iha loron laran no liliu iha trotoar leten”, dehan nia iha merkadu Manleuna segunda feira 04/05/20.

Tuir nia katak, fahe sumbriña ne’e tama kategoria provizoriu atu halo distansiamentu sosial entre vendedores no kompradores sira durante periodu estadu emerjénsia.

Tanba ne’e, nia dehan bainhira periodu estadu emerjénsia remata vendedór sira bele ida-idaik ba nia fa’an fatin.

Molok ne’e, ekipa prevensaun Covid-19 fahe mós sumbriña iha merkadu Taibesi.

Iha fatin hanesan vendedór iha merkadu Manleuana haktuir katak, hanesan vendedór sempre kumpri desizaun governu nian.

“Ami simu saida de’it mak Govenru fahe hodi muda ami ba fali fatin seluk ne’e ami sei halo tuir, maibé atu fahe sumbriña karik di’ak liu fahe hotu ba maluk sira seluk ne’ebé iha ne’e tanba orsida hela ami sei haree malu laloos”, dehan nia.

Read 2123 times Last modified on Segunda, 04 Maiu 2020 19:04
Rate this item
(0 votes)