Embaixador Thailandia Apoia Osan $2.500 Ba SEPS Featured

By Saturnina da Costa Abril 22, 2021 1259
Embaixador Thailandia Apoia Osan $2.500 Ba SEPS. Foto:Gab.SEPS Embaixador Thailandia Apoia Osan $2.500 Ba SEPS. Foto:Gab.SEPS

DILI:Embaixador Thalandia iha Timor-Leste apoia osan dolar amerikanu $2.500 ba vitima dezastre naturais liu husi Sekretaria Estadu Protesaun Sivil (SEPS).


Tuir Embaixador Thailandia iha Timor-Leste, Ekapol Poolpipat fó sentidu kondelensia profunda ba familia vitima dezastre naturais sira ne’ebé akontese iha loron 4 fulan abril tinan 2021.
Apoiu ne’e entrega direitamente husi Embaixador Thailandia ba Sekretaria Estadu Joaquim dos Reis Amaral Martins, ho osan montante hanesan, $2.500 ba protesaun sivil hodi tulun vitima inundasaun sira iha loron 21/04.
Molok ne’e, nasaun sira ne’ebé apoiu ona vitima inundasaun iha Timor-Leste mak hanesan, Xina apoiu osan ho montante dolar amerikanu rihun $106 no rihun $100 husi World Food Programe (WFP), Japaun liu husi JICA apoiu manta rihun 5, Estadus Unidus Amerika (EUA) liu husi International Organization for Migration (IOM) hamutuk dolar amerikanu rihun $100, Asosiasaun China Enterpise Timor-Leste (AECTL) apoia osan dolar amerikanu rihun $15 no bee aqua 300 kaixa.
Aleinde, Governu Korea apoiu osan dolar amerikanu rihun $100 no mos nesesidade bazika balun, Embaixador iha Timor-Leste apoiu mós nesesidade bazika, no Governu Australia liu husi Australian Humanitarian Partnership (AHP) apoiu material uma laran nian no materia ijiene hanesan, kulsaun 100, lona 100, manta 1000, material dapur set 190, pakote ijiene 200, lixu fatin 30, estasaun fase liman 30, spanduk ba prevensaun Covid-19 hamutuk 30, inklui sabaun kaixa 15.
Entretanto, Asosiasaun Chineza Timor-Leste no Veteranus Australia apoiu sasan nesesidade bazika no sasan ijiene, no mós kompaña kiik sira no individu balun iha Timor-Leste halo kontribui mós ba vitima inundasaun sira.

 

Jornalista:Saturnina da Costa

Editor:Jose Sarito Amaral

Rate this item
(0 votes)

Independente Digital TV