Kuarta, 01 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-11-30&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Prezidente KSTL, Almerio Vila-Nova. Foto:Independente. Prezidente KSTL, Almerio Vila-Nova. Foto:Independente.

Durante Fulan 7, KSTL Simu Keixa Husi Traballadór Hamutuk 105

DILI: Desde Governu implementa Estadu Emerjensia, Serka Sanitaria no Konfinamentu Domisiliariu, durante fulan hitu (7) nia laran, hahú husi Janeiru too Augostu 2021, Konfederasaun Sindikatu Timor-Leste (KSTL) simu keixa husi traballadór sira hamutuk 105.

Prezidente KSTL, Almerio Vila-Nova hateten, keixa hirak nee hatoo traballadór Timoroan, inklui traballadór estranjeiru.

Nia haktuir, kazu neebé KSTL rejistu nee ho tipu oi-oin, maibé barak liu maka hapara traballadór sira husi servisu.

“Kazu neebé KSTL rejistu maka hanesan, disputa terminasaun empregu relasaun traballu, problema salariu, problema servisu liu oras (over time), kompaña balun seidauk rejistu traballadór ba iha seguransa sosial, lisensa maternidade no direitu ba lisensa annual, inklui subsidiu annual, dehan Almerio Vila-Nova iha ninia knar fatin, Bemori, foin lalais.

Nia haktuir, husi numeru 105, kuaze traballadór 100 mak hetan ona solusaun ba sira nia problema, maibé kazu 5 maka ninia prosesu lao hela no seidauk hetan solusaun.

Relasiona ho kazu nee, KSTL husu ba Inspesaun Jeral Traballu (IJT) atu halo vizilansia makas liu tan ba iha servisu fatin, nunee bele asegura empregador sira hodi implementa regulamentu neebé hatuur ona iha lei Numeru 4/2012, atu nunee traballadór sira nia direitu baziku labele hetan violasaun.

Husu mós ba iha instituisaun Nasional Seguransa Sosial (INSS), atu bele responde ba iha nesesidade traballadór, liu-liu iha tempu konfinamentu obrigatoriu.

“Bainhira Governu aplika konfinamentu obrigatoriu, Governu presiza apoiu subsidiu ba traballadór sira, nunee traballadór sira mós labele lakon sira nia rendimentu. Aliende nee, presiza apoiu mós empreza neebé mak afeita ba situasaun ida nee, nunee setor empreza sira lebele termina traballadór sira nia servisu,” tenik nia.

Durante konfinamentu obrigatoriu, KSTL observa katak, servisu INSS nian seidauk masimu, liu-liu iha prosesu pagamentu ba traballadór sira lao tarde loos, tanba traballadór balun seidauk hetan subsidiu.

“INSS nia servisu presiza haforsa liu tan ninia mekanizmu atendimentu, liu-liu kona ba informasaun nian, nunee sira bele hadia dokumentu hirak neebé tama ona,  hodi ema hotu bele asesu ba iha subsidiu neebé governu oferese,” nia argumenta.

Iha sorin seluk, Prezidente Institutu Nasionál Seguransa Sosiál, Longuinhos Armando Leite hateten, pagamentu subsidiu ba emprezariu no traballadór sira lao tarde oituan, tanba presiza hare didiak iha prosesu verifikasaun dokumentus.

"Laos tanba osan nee governu nian, nee duni ita atu fahe de'it, maibé tenke liu husi prosesu verifikasaun. Verifikasaun dokumentus ne'e importante, tanba liu husi prosesesu ida maka ita bele hatene loloos, tanba ami laiha tempu atu verifika to'o terenu,"tenik nia.

Read 408 times
Rate this item
(0 votes)