DNTT Preve Rihun $160 Rehabilita Terminál Bekora Featured

By Januário Assunção Abril 28, 2024 368
Pasajeiru sira iha Terminal Bekora. Foto;Dok. Pasajeiru sira iha Terminal Bekora. Foto;Dok.

DILI: Atu asegura movimentu transporte publiku husi dirasaun parte leste, Diresaun Nasionál Transporte Terestre (DNTT) preve orsamentu hamutuk rihun $160 atu rehabilita terminál Bekora.

Diretora DNTT, Maria Antónia Vitor hatete, DNTT preve ona orsamentu atu halo rehabilitasaun ba Terminál Bekora ne'ebe ekipa jestaun Munisipiu hamutuk SEATOU hamamuk ona okupante sira.

"Rehabilitasaun ita tau orsamentu ba tinan ida ne'e Ita prevee rihun $160 ne'ebé agora ita prosesu hamamuk ona tekniku sira sei ba halo levantamentu depois tenke liu husi ADN para lori ba CNA hodi loke konkursu pois ita rehabilita"dehan nia ba jornalista INDEPENDENTE Via Telefone (25/04).

Tanba DNTT sei halo de'it rehabilitasaun atu transporte Públiku sira husi Munisipiu bele mai para atu labele para tan ba fatin protokulu sira iha kapital dili tanba iha futuru sei loke terminál iha Hera ne'ebé desde planu anterior nian.

Maibé provizoriamente sei uza Terminál Bekora lai para DNTT bele kontrola hodi halo jestaun ba Transporte Públiku sira tanba espasu la sufisiente atu akula hamutuk iha Terminál Bekora.

"Loos duni espasu la sufisiente atu akumula transporte públiku hotu ne'ebé mak mai husi parte leste ninian tanba ita haree espasu ne'e kiik maibé governu mós hanoin oinsa atu loke fali terminál iha hera mais ne'e iha futuru laos agora" dehan nia.

Molok ne'e,Sekretáriu Estadu SEATOU Germano Santa Brites Dias  hatete, ho Munisipiu Dili Hasai, halo ona  alargamentu ba Terminal Bekora. 

"Agradese tanba horisehik ha'u mai ho ohin mai sira sobu rasik nune'e ita mai baku rahun de'it buat sira ne'ebé mak sira uza forsa la to'o sira kuaze kioske hamutuk 19 sira koopera"dehan nia ba jornalista sira iha Bekora horisehik (24/04).

Tanba DNTT atu halo rehabilitasaun ba Bus husi parte Leste bele asesu hodi para tanba Seatou simu karta husi MTK desde iha fulan fevereiru nia laran para ekipa bele halo intervensaun.

Rate this item
(0 votes)
Last modified on Segunda, 29 Abril 2024 18:27

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31