Diretór Servisu Apoiu Diagnostiku no Terapeutiku HNGV, Vida de Jesus Lopes hatete, kazu dengue ne’ebé rejistu hahú husi 01 to’o 27 Janeiru 2026 hamutuk 245, maioria labarik ho idade tinan 2 to’o tinan 5, no kazu mate maioria ba labarik ho idade tinan 5 to’otinan 9.
“Totál kazu dengue ne'ebé mak baixa iha ospitál ne'e hamutuk 245. Husi 245 ne'e na'in haat mak mate, kompostu husi feto na'in tolu no mane ida,” dehan Vidal ba jornalista sira, iha nia kna'ar fatin, Bidau, Tersa (27/01).
Vidal informa, pasiente dengue ne’ebé baixa iha HNGV maioria transfere husiSentru Saúde sira iha Dili, no restu husi ospitál referál sira hanesan HoREX Baukau, HR Maubessi, no HR Maliana.
Ho númeru pasiente ne’ebé aumenta aas, Vidal hatete, ospital mós hasoru problema espasu.
"Problema espasune'edezdetinan rua bakotuk, no tinan rua ikus ne'e ita enfrenta espasu ho razaun tanba númeru traferensia mai iha nasionál ne'e aumenta,” dehan nia.
HNGV, nia dehan uza ona Hospitál António Carvalho Lahane no koordena ho Servisu Saúde Munisípiu Dili, liu-liu Sentru Saúde Vera Kruz no Formoza atu ajuda nune'e kazu dengue ne'ebé katégoria kaman bele haruka ba ne'ebá.
MS klarifika: Abatizaun la'ós solusaun prinsipal
Ministériu Saude (MS) klarifika katak aimoruk abatizaun laos solusaun prinsipal hodi prevene moras dengue.
Diretór Nasionál Edukasaun no Promosaun Saúde, Jaime Belo hatete, maske aimoruk abatizasaun hanesan alternativa, maibé importante liu mak tenke iha konsiénsia atu halo limpeza.
"Ha'u hanoin abate ho maliteon ne'e la'ós alternativu, alternativa ne'ebé mak importante mak mobiliza komunidade sira par bele hamoos sira-nia uma sorin-sorin no uma ninin, hadi'a roupa sira iha uma, hamoos valeta kuak depois troka vazu aifunan, sasán sira ne'ebé mak la uza di'ak liu hakoi. Hamoos ita-nia uma mak importante hodi prevene moras dengue,” Nia dehan.
Komisaun F sei halo fiskalizasaun
Ho númeru kazu dengue ne’ebé aas, Komisaun F planeia atu halo fiskalizasaun ba HNGV no fasilidadesaude sira seluk.
PrezidenteKomisaun F, Maria Goru Mali Barreto hatete, komisaun seidauk hetan dadus fiksu kona-ba pasiente dengue iha HNGV no fasilidadesaude sira.
“Ha’u hanoin fiskalizasaun ne’e atividade regular kada Komisaun, maibé depois ami sei deside pariha semana ida ne’e ka semana oin, oinsa halo ba iha Hospital Nasionál GuidoValdares no fatin seluk, mais ami seidauk iha ajenda fiksu,” dehan nia.
