Dadus 8 Maiu Covid-19: Ema Na’in 114 Hein Rezultadu Laboratóriu Featured

By Elsa Belinha Maiu 08, 2020 2743
Dra. Odete Viegas Dra. Odete Viegas

DILI: Atualizasaun dadus kona ba Corona Virus Deasses 2019 (Covid-19) iha loron 08 fulan Maiu Ema na’in 114 hein rezultadu laboratóriu.

Porta Voz Sentru Integradu Jestaun Krize (SIJK) Doutora Odete da Silva Viegas hateten, total ema ne’ebé halo teste laboratóriu hamutuk 830, total ema ne’ebé nia rezultadu laboratóriu negativu hamutuk 692.

“Kazu konfirmadu mantein 24, ema na’in 114 hein rezultadu laboratóriu, iha izolamentu na’in hitu (7),”dehan nia liuhusi konferensia imprensa iha CCD, ohin.

Nia informa, ema na’in 21 maka rekuperadu kompostu husi konfirmadu na’in 17 no provavel na’in haat (4). Total ema iha kuerentena hamutuk 135 kompostu husi Dili hamutuk 101 no iha munisipiu 34. Ema ne’ebé halo auto kuerentena na’in 32 iha munisipiu. Ema ne’ebé sai ona husi karantina hamutuk 2080 kompostu husi Dili 1642 no iha munisipiu 438.

Husu ba komunidade atu kumpri nafatin protokolu husi Organizsaun Mundial Saúde (OMS) nian kuidadu nafatin ijiene pessoal fase liman bebeik mantein distansiamentu sosial nomós distansiamentu fíziku. Hakmatek iha uma kuandu la iha nesesidade ne’ebé importante iha li’ur. Sai ba li’ur tenke uza maskara.

Nia mós informa, bainhira iha sintomas infesaun respiratória aguda (IRA) hanesan isin manas, kakorok moras, me’ar, inus-been, ruin kiik- bo’ot siin halo favor ba konsulta iha sentru saúde ka ospital sira. Se lakohi atu hetan moras Covid-19 ne’ebé grave ka krítiku hapara fuma sigaru no hemu tua.

Rate this item
(0 votes)

Independente Digital TV