Tersa, 28 Setembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-09-26&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Dr. Rui Maria de Araujo Dr. Rui Maria de Araujo

Dadus 2 Maiu: Konfirmadu Covid-19 Na’in 20 Rekuperadu Featured

DILI: Pasiente Konfirmadu pozitivu Corona Virus Deasses 2019 (Covid-19) na’in 24 ne’ebé baixa iha sala izolamentu Vera Cruz ne’e na’in 20 rekuperadu ona.

 Portavoz Sentru Integradu Jestaun Krize (SIJK) Doutór Rui Maria de Araújo hatete, pasiente konfirmadu pozitivu Covid-19 iha sala izolamentu Vera Cruz ne’e na’in 20 rekuperadu ona kompostu husi pozitivu na’in 16 no provavel na’in haat (4).

“Total kazu konfirmadu ne’ebé sei iha izolamentu iha Vera Cruz hamutuk na’in walu,”dehan nia iha konferensia imprensa iha CCD, ohin.

Nia informa, teste kumulativu kazu konfirmadu la iha mudan mantein 24, laiha kazu foun, total ema ne’ebé halo teste laboratóriu 684,  ema ne’ebé hein rezultadu laboratóriu 159, ema ne’ebé nia rezultadu hatudu negative ona hamutuk 501.

Total ema ne’ebé sei iha konfinamentu obrigatoriu 328 kompostu husi Dili 220 no iha munisipiu 41, ema ne’ebé halo auto karantina iha uma iha munisipiu 62 no iha Dili 5. Total ema ne’ebé liu ona karantina 1877 kompostu husi Dili 1476 no iha munisipiu 401.

Husu ba komunidade atu kumpri nafatin protokolu husi Organizsaun Mundial Saúde (OMS) nian kuidadu nafatin ijiene pessoal fase liman bebeik mantein distansiamentu sosial nomós distansiamentu fíziku. Hakmatek iha uma kuandu la iha nesesidade ne’ebé importante iha li’ur. Sai ba li’ur tenke uza maskara.

Nia mós informa katak wainhira iha sintomas infesaun respiratória aguda (IRA)  hanesan isin manas, kakorok moras, me’ar, inus-been, ruin kiik- bo’ot siin halo favor ba konsulta iha sentru saúde ka ospital sira. Se lakohi atu hetan moras Covid-19 ne’ebé grave ka krítiku halo favor hapara fuma sigaru no hemu tua.

Read 3843 times
Rate this item
(0 votes)