Sábadu, 31 Jullu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-07-30&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Dra. Odete Viegas Dra. Odete Viegas

Dadus 16 Maiu: Suspeitu Covid-19 467 Hein Rezultadu Laboratóriu Featured

DILI: Suspeitu Corona Virus Deasses 2019 (Covid-19) ne’ebé hein nia rezultadu teste laboratóriu hamutuk na’in 467.

Porta Voz Sentru Integradu Jestaun Krize (SIJK) Doutóra Odete Viegas da Silva hatete, suspeitu halo teste laboratóriu total númeru kumulativu hamutuk 1.346.

“Total suspeitu sira ne’ebé hein rezultadu laboratóriu hamutuk 467, hatudu rezultadu negativu hamutuk 855,” dehan nia liuhusi konferensia imprensa iha CCD, ohin.

Nia informa, agora dadaun laiha kazu foun, sira ne’ebé rekuperadu hamutuk 28, kompostu husi kazu konfirmadu na’in 24 no kazu provavel na’in haat (4).

Total ema ne’ebé iha konfinamentu obrigatóriu na’in 48 kompostu husi Dili 44 no iha munisipiu na’in haat (4). Ema na’in 5 halo auto kuarentena iha Dili.

Total ema ne’ebé liu ona loron 14 iha kuarentena hamutuk 2.238 kompostu husi Dili 1738 no iha munisipiu 500.

Hodi SIJK nia naran apela ba populasaun tomak katak fiar nafatin governu ne’ebé agora lidera prosesu prevensaun no mitigasaun moras Covid-19 no fiar de’it informasaun ne’ebé sai husi sala situasaun SIJK.

Nafatin kolabora no partisipa ho disiplina iha distansiamentu sosial no ijiene pesoal fase liman bebeik liman labele kona bai nus, matan no ibun. Uza maskara wainhira tama iha fatin atendimentu públiku.

Read 2237 times
Rate this item
(0 votes)