Sábadu, 31 Jullu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-07-30&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Positivu Covid-19. Positivu Covid-19.

Covid-19, Kazu Foun 82, Kazu Ativu Sa’e Ba 925 Featured

DILI:Sala Situasaun Sentru Integradu Jestaun Krize (SIJK) relata ohin loron 23 fulan-abril,  ekipa konjunta saúde deteta kazu foun na’in 82, nune’e kazu ativu iha izolamentu sa’e ba 925.

Kordenador Forsa Tarefas no Mitigasaun Surtu Covid-19 iha Timor-Leste, Rui Maria de Araujo hatete, kazu foun hirak ne’e iha mane na’in 50 no feto na’in 32.

“Ema ne’ebé hetan sintomas iha na’in 10 no asintomatiku ka la hatudu sintomas hamutuk na’in 72 (87,8%),”dehan nia iha komunikadu (23/04).

Total kazu detetadu foun ohin loron, 51(62%) mak deteta tanba halo teste ho razaun atu halo viajem ka halo ona viajem ba munisipiu hafoin deteta positivu.Sira nia hela fatin iha Dili, iha cluster sira ne’ebé iha kazu detetadu barak.

Ho nune’e kazu konfirmadu komulativu hahú husi 21 fulan-marsu tinan 2020 to’o ohin loron 23 fulan abril tinan 2021 kazu detetadu hamutuk 1.739.

Entretantu dadus jeral ba loron ohin kazu foun na’in 82 (Dili na’in 72 no na’in 10 husi munisipiu seluk), kazu rekuperadu iha na’in 19 no total kazu ativu hamutuk na’in 925.

Husi horseik (22/04) mai ohin loron 23 fulan abril, Laboratoriu Nasional Saúde halo teste PCR hamutuk na’in 950, ho detalhas hanesan tuir mai ne’e, vijilansia sentinela na’in 44, restreiu ba kontak (contact tracing) na’in 100, restreiu aliatoriu iha na’in 245, viajem sai husi serka sanitaria munisipiu Dili iha na’in 481 no mós viajem internasional iha na’in 31 no follow up iha kuarentena 49.

Informasaun adisional ba loron ohin 23 fulan-abril 2021, Izolamentu Vera Cruz iha kazu detetadu nain 15 (hanesan ho

Horiseik (22/04)). Iha área obstetrisia nain 3, medisina interna na’in 9, pediatria 3.

Sira na’in 3 iha obstetrisia, kategoria moderadu hotu, sira nia kondisun estável. No sira na’in 9 iha medisina interna, 2 grave, 7 moderadu. Na’in 2 grave, 1 uza ventilador, 1 horiseik uza CPAP (Continuous Positive Airway Pressure), maibé ohin uza deit ona oxijenio ho mask.

Husi sira na’in 9 iha medisina interna ne'e, na’in 4 mak tama ho ARDS (Acute Respiratoric Distress ka Syndrom - Sindroma Insufisiensia Respiratória Aguda-SIRA) plus iha comorbidade, na’in 5 tama ho ARDS/SIRA no la iha comorbidade.

Kazu 3 pediatria, 1 moderadu, na’in 2 grave. Na’in 2 grave uza CPAP, no ida moderadu uza oxijeniu ho kanula.

SIJK, informa mós katak ohin (23/04), funeral ba obitu ne'ebé akontese horiseik (22/04) iha Munisipiu Dili la'o ho diak. Familia matebian deside atu hakoi iha semitériu publiku Bekussi, no ekipa konjunta funeral, husi Ministério Saúde, MSSI ho MAE apola prosesu funeral tuir protokolu ne'ebé estabelesidu ona, hodi minimiza risku atu mosu kontájiu virus husi matebian nia isin ba fali ema seluk.

 

Jornalista:Saturnina da Costa

Editor:Jose Sarito Amaral

Read 231 times
Rate this item
(0 votes)