Sábadu, 31 Jullu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-07-30&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Aviuan Malindo.Foto.Dok. Aviuan Malindo.Foto.Dok.

Carascalão Selu Ona Aviaun, Ohin Lori Fila Pasazeirus Husi Kuala Lumpur Featured

DILI:Ajensia Aviasaun Pedro Carascalão selu ona Aviaun lori fila pasazeirus husi Kuala Lumpur mai Timor-Leste, Sabdu ohin 24 fulan-abril 2021.

Tuir nia, responsabilidade laos iha parte inisio deit maibé tenki to’o fim bazea ba komitimento. Nia parte kumpri ona pedidu Ajensia hodi fasilita sira nia pasazeirus hodi semo entre Kuala Lumpur mai Dili, no Dili ba Kuala Lumpur deit.
Mesmu nia parte kompleta ona to’o fim mais la sala mós ajuda pasazeirus sira ne’ebé hasoru problema hodi fasilita sira bele fila mai Timor Leste no mós nudar Timor-oan iha komitmentu hodi ajuda malu.
“Ha’u privado selu ona aviaun hodi tula fila Timor-oan sira ne’ebé agora infrenta problema iha Malaysia ne’ebá, ida ne’e deit mak ha’u bele ajuda nudar Timor-oan ida nomos ajuda ita nia Governo iha situasaun defisil ida ne’e,”hateten liu husi komunikadu ne’ebé Online Independente asesu (22/04).
Carrascalao hatete, loron loron nia komunika ho pasajeiru sira, triste mós rona sira nia problema ne’ebé sira hasoru hela.
“Ha’u mós husu ona ba parte Malindo atu favor ida husik pasajeiru sira bele iha aseso ba sira nia koper sira hodi bele troka ropa tamba desde domingo liu ba ne’e sira sidauk troka ropa to’o agora,"tenik nia.
Nia prioridade mak ajuda sira fila mai Timor-Leste hodi evita problema ne’ebé sira infrenta sai aumenta barak liu tan.
Nia hatutan, pasajeiros ne’ebé nia rasik rejeita iha Aeroporto Dili atu labele sae aviaun iha loron 18 fulan-abril liu ba ne’e iha ema na’in 19 pessoas komprende ona. Mesmu balun tanis husu hodi bele sae aviaun maibé la fó nafatin tanba ekipa Ground handler identifika problema balun no mai husu nia hodi autoriza rejeita pasajeiro ne’e.
“Agora pasajeiro ne’ebé la konsege sai husi Dili ba ne’e sira komprende ona tanba saida mak ha’u la fo sira sai. Ha’u la fo ema sae aviaun hodi proteje pasajeiro rasik labele hasoru problema iha rai liur ne’ebá.”nia informa.
Nia espera ba oin komprende ona tanba saida mak nia rejeita pasajeiros 19 sira ne’e.
Nune’e aban loron 24 fulan-abril oras tuku 12:10 meiodia, aviaun Malindo to’o iha Dili tula fila pasajeirus iha Kuala Lumpur mai Timor-Leste ne’ebé la konsege kontinua halo sira nia viagem ba destino. Agora hein deit Parte Governo nian hodi autoriza aviaun bele tama, governo mós apar hela situasaun ida ne’e no prontu fasilita.
“Ha’u fó ordem mós ba Malindo katak desta vez, aviaun se fila mamuk lai hodi evita problema foun. Nune’e fulan-maio mak ita bele tula fali pasajeirus bainhira Governo autoriza," tenik nia.

 

Jornalista:Saturnina da Costa

Editor:Jose Sarito Amaral

Read 1845 times Last modified on Sábadu, 24 Abril 2021 07:14
Rate this item
(0 votes)