Covid-19: Kazu Foun 81, Rekuperadu 152 ho Kazu Ativu 2,402 Featured

By Saturnina da Costa Juñu 06, 2021 374
Positivu Covid-19. Positivu Covid-19.

DILI:Sala Situasaun Sentru Integradu Jestaun Krize (SIJK) relata ohin (06/06), ekipa konjunta rezista tan kazu foun 81, rekuperadu 152 no kazu ativu hamutuk 2,402.

 Kordenadór Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo informa, kazu ne’ebé deteta ohin, iha Kapital Dili na’in 36, Ainaro 2, Baucau 28, Bobonaro 2, Covalima 4, Lautem 1, Likisa 1, Manatuto 4 no Vikeke 3.

“Husi kazu foun ne’e, iha  mane na’in 44 no feto 37.  Sira ne’ebé ho idade 12-59 hamutuk 81,”dehan nia liu husi komunikadu, domingo ohin.

Rui relata, total proporsaun kazu sintomatiku hamutuk pursentu 3,7.

Entretantu, total kazu komulativu konfirmadu hamutuk 7,740.

Enkuantu, total teste PCR ne’ebé halo iha Dili hahu husi horseik (05/06) to’o ohin (06/06) hamutuk 6,001 ne’ebé kompostu husi, Vijilansia sentinela na’in 6, Contact tracing 39, Random screening 46, Viajem sai husi serka sanitaria Dili hamutuk 481, Viajem internasional 1 no Follow up iha kuarentena na’in 27.

Nune’e, total PCR iha Munisipiu sira seluk, RAEOA no HNGV hamutuk 364, ho detelle hanesan, iha Munispiu Baucau 59, Maliana 48, RAEOA 3, Vikeke 11, Ermera 34, Maubisse 84, Suai 24 no HNGV 101.

 

Asistente Editor: Saturnina da Costa

Rate this item
(0 votes)

Independente Digital TV